రోడ్లపై భిక్షాటన చేస్తున్న బాలీవుడ్‌ నటి.. వీడియో వైరల్‌
TV Actress Nupur Alankar begging on the road video gone viral. బాలీవుడ్‌ నటి నూపూర్ సంచలన షాకింగ్‌ నిర్ణయం తీసుకుంది. సన్యాసిగా మారి రోడ్డుపై బిక్షాటన చేస్తోంది.
By అంజి Published on 9 Oct 2022 9:36 AM GMT
బాలీవుడ్‌ నటి నూపూర్ సంచలన షాకింగ్‌ నిర్ణయం తీసుకుంది. సన్యాసిగా మారి రోడ్డుపై బిక్షాటన చేస్తోంది. కాషాయ దుస్తులు ధరించి నూపూర్ ఉత్తరప్రదేశ్‌లోని మథుర వీధుల్లో భిక్షాటన చేస్తూ తిరుగుతున్న వీడియో సోషల్‌ మీడియాలో వైరల్‌గా మారింది. తన గురువు సూచనతో సన్యాసిగా మారానని నూపూర్ తెలిపారు. కుటుంబ కారణాల వల్లే ఈ నిర్ణయం తీసుకున్నట్లు చెప్పారు. అటు సినిమాల్లో.. ఇటు సీరియల్లలో తనదైన యాక్టింగ్‌తో ప్రేక్షకుల్లో మంచి క్రేజ్‌ సంపాదించుకుంది నటి నూపూర్.
వీడియోలో.. తాను రోజంతా 11 మందిని అడుక్కోవలసి ఉంటుందని చెప్పడం వినిపిస్తుంది. వీడియోతో పాటు, నుపూర్ తన ఫోటోలను కూడా షేర్ చేసింది. ఒక ఫోటోలో నుపుర్ ఒక వ్యక్తి నుండి భిక్ష తీసుకుంటుండగా, మరొక ఫోటోలో ఆమె తన భిక్షాటన గిన్నెను పంచుకుంది. దీనిలో ఆమె తన మొదటి భిక్ష అని క్యాప్షన్‌లో చెప్పింది. ఈ నటి 'అగ్లే జనమ్ మోహే బితియా హి కిజో', 'ఘర్ కి లక్ష్మీ బేటియాన్', 'శక్తిమాన్', 'దియా ఔర్ బాతీ హమ్', 'శక్తిమాన్' వంటి అనేక టీవీ షోలలో కనిపించింది. ఇది కాకుండా, ఆమె 'క్యుంకీ మైన్ ఝూత్ నహీ బోల్తా' వంటి సినిమాల్లో కూడా నటించింది. తాజాగా నటనా ప్రపంచానికి శాశ్వతంగా వీడ్కోలు పలికిన.. నూపూర్ ఆధ్యాత్మిక మార్గాన్ని ఎంచుకుంది.
