అమ్మాయిని ఒడిలో కూర్చొబెట్టుకుని అబ్బాయి బైక్ రైడ్.. ట్రేస్ చేసిన పోలీసులు

బెంగళూరులో ఓ వ్యక్తి అమ్మాయిని తన ఒడిలో పెట్టుకుని ప్రమాదకరంగా బైక్ నడుపుతున్న వీడియో సోషల్ మీడియాలో వైరల్‌గా మారింది. వైరల్ వీడియోను గమనించిన పోలీసులు వారిద్దరినీ గుర్తించారు. మహిళ బైకర్ ఒడిలో ఒకవైపు కూర్చొని, అతని మెడ చుట్టూ చేతులు పట్టుకుంది. ఉత్తర బెంగళూరులోని హెబ్బాల్ ఫ్లైఓవర్‌పై ఈ ఘటన జరిగినట్లు తెలుస్తోంది. ఘటన జరిగిన తేదీ గురించి సరైన సమాచారం లేదు.

బెంగళూరు ట్రాఫిక్ పోలీసులు బైక్ నంబర్ ప్లేట్, సీసీటీవీ విజువల్స్ ఆధారంగా ఆ వ్యక్తి, మహిళను గుర్తించారు. బైకర్‌ను బెంగళూరులోని శ్యాంపూరాలోని ఎంవీ లేఅవుట్‌లో నివాసం ఉంటున్న సిలంబర్సన్ (21)గా గుర్తించారు. "మేము నిబంధనలను ఉల్లంఘిన వారిని గుర్తించాము.. అతను ఇంతకు ముందు చేసిన ఉల్లంఘనల గురించి కూడా మేము ట్రేస్ చేస్తాము" అని పోలీసులు తెలిపారు. వాహనాన్ని స్వాధీనం చేసుకున్న ట్రాఫిక్ పోలీసులు నిందితులపై తదుపరి చర్యలకు ఉపక్రమించారు అతనిపై భారతీయ శిక్షాస్మృతి (IPC) సెక్షన్ 279, 184 (ప్రమాదకరమైన డ్రైవింగ్), 189 (పబ్లిక్ రోడ్లపై రేసింగ్ లేదా వేగంగా నడపడం), 129, మోటారు వాహనాల చట్టంలోని నిబంధనల ప్రకారం చర్యలు తీసుకోనున్నారు అధికారులు.