విగ్ర‌హాం కింద ఇరుక్కుపోయిన భ‌క్తుడు.. పూజారీతో పాటు మిగ‌తా వారు.. వీడియో
Devotee gets stuck under elephant statue at Gujarat temple.ఓ ఆల‌యానికి వెళ్లిన ఓ భ‌క్తుడు ఏనుగు విగ్ర‌హం కింద
By తోట వంశీ కుమార్‌ Published on 6 Dec 2022 4:33 AM GMT
సోష‌ల్ మీడియా అందుబాటులోకి వ‌చ్చిన త‌రువాత ఎక్క‌డ ఏం జ‌రిగినా క్ష‌ణాల్లో అది తెలిసిపోతుంది. అందులో కొన్ని మంచి విష‌యాలు ఉండ‌గా, మ‌రికొన్ని చెడు విష‌యాలు ఉంటాయి. ఇంకొన్ని ఆస‌క్తిక‌రంగా, ఫ‌న్నీగా ఉంటున్నాయి.
గుజ‌రాత్ రాష్ట్రంలోని ఓ ఆల‌యానికి వెళ్లిన ఓ భ‌క్తుడు ఏనుగు విగ్ర‌హం కింద నుంచి బ‌య‌ట‌కు రావాలని భావించాడు. ఇంకా ఏమీ ఆలోచించ‌లేదు. ఏనుగు విగ్ర‌హం కింద చాలా త‌క్కువ ప్లేస్ ఉంది. అయిన‌ప్ప‌టీకి తాను ఈజీగా బ‌య‌ట‌కు వ‌స్తాన‌ని బావించిన ఓ భ‌క్తుడు విగ్ర‌హం కింద ఇరుక్కుపోయాడు. ఇందుకు సంబంధించిన ఓ వీడియో సోష‌ల్ మీడియాలో వైర‌ల్‌గా మారింది.
నితిన్ అనే యూజ‌ర్ ఈ వీడియోని పోస్ట్ చేశాడు. ఏనుగు విగ్ర‌హం కింద ఇరుక్కుపోయిన ఆ భ‌క్తుడిని బ‌య‌ట‌కు తీసేందుకు పూజారితో స‌హా మిగ‌తా భ‌క్తులు ప్ర‌య‌త్నించారు. అయితే.. అత‌డు బ‌య‌ట‌కు వ‌చ్చాడా లేదా అన్న‌ది తెలియ‌రాలేదు. మితిమీరిన భ‌క్తి ఏదైనా స‌రే ఇలాంటి అనార్థాల‌కు దారి తీస్తుంది అని నితిన్ ఈ వీడియోకి క్యాప్ష‌న్ ఇచ్చాడు. ఈ వీడియోపై నెటీజ‌న్లు త‌మ‌దైన శైలిలో కామెంట్లు పెడుతున్నారు.
