ట్విటర్ లో చంద్రబాబుపై విరుచుకుపడ్డ ఎంపీ విజయసాయి రెడ్డి

అమరావతి: ట్విటర్ లో మరోసారి చంద్రబాబు ఆయన తనయుడు లోకేష్ పై నిప్పులు చెరిగారు వైఎస్ఆర్ సీపీ ఎంపీ విజయసాయిరెడ్డి.  రివర్స్ టెండరింగ్ పై చంద్రబాబు  పదేపదే మాట్లాడటాన్ని విజయసాయి తప్పుబట్టారు. మీరు దోచుకున్నదాని గురించి మాట్లాడితే బాగుంటుందని బాబుకు విజయసాయి రెడ్డి చురకలు  అంటించారు. అంతేకాదు…వాలంటీర్లు, మహిళలపై నోరు పారేసుకుంటే..గ్యారంటీగా తండ్రీకొడుకులు చెప్పు దెబ్బలు తింటారంటూ విజయసాయి ట్విట్  చేశారు. ఇక..టీడీపీకి కొమ్ముకాసే  ఓ పత్రికాధిపతిని కూడా విజయసాయి వదల్లేదు. ఆయనను ‘కిరసనాయలు’అంటూ సంభోదిస్తూ..జర్నలిజం ముసుగులో విషం కక్కుతున్నాడంటూ మండిపడ్డారు విజయసాయి రెడ్డి.

పోలవరం రివర్స్ టెండర్ల వల్ల 7500 కోట్ల నష్టం వస్తుందని కాకి లెక్కలు చెబుతున్నారు @ncbn. తమరు పాలించిన ఐదేళ్లలో దోచుకున్నది ఐదు లక్షల కోట్లు. వరుస కరువు వల్ల వ్యవసాయ రంగం లక్ష కోట్ల ఉత్పత్తి కోల్పోయింది. వాటి గురించి మాట్లాడితే బాగుంటుంది మీరు.

— Vijayasai Reddy V (@VSReddy_MP) October 3, 2019

వలంటీర్లకు పెళ్లిల్లే కావని, వారిది మూటలు మోసే పని అని హేళన చేశాడు. బియ్యం సంచులు రిక్షా తొక్కుతూ తీసుకెళ్తారని పచ్చ పార్టీ ఔత్సాహికులు అసత్య ప్రచారం చేశారు. ఎవరూ పట్టించుకోలేదు. ఇప్పుడు ‘తలుపులు కొడుతున్నారనే’ వ్యాఖ్యలతో గ్యారంటీగా మహిళల చెప్పు దెబ్బలు తింటారు తండ్రీ కొడుకులు.

— Vijayasai Reddy V (@VSReddy_MP) October 3, 2019

డీఎంకే పార్టీ ‘మురసోలి’ అనే పత్రికను నడుపుతోంది. శివసేన పార్టీ సొంత పత్రిక ‘సామ్నా’. ఇవి ప్రత్యర్థి పార్టీలను విమర్శలతో చీల్చి చెండాడినా నైతిక విలువలు పాటిస్తాయి. అవాస్తవాలను రాయవు. @ncbn మౌత్‌పీస్‌ ‘కిరసనాయిలు’ మాత్రం జర్నలిజం ముసుగులో విషం కక్కుతున్నాడు.

— Vijayasai Reddy V (@VSReddy_MP) October 3, 2019