కేంద్రమంత్రి కిషన్‌రెడ్డి ఇంట విషాదం..

కేంద్ర హోంశాఖ సహాయమంత్రి, తెలంగాణ బీజేపీ నేత‌ జి.కిషన్‌రెడ్డి ఇంట విషాదం నెల‌కొంది. ఆయ‌న పెద్ద సోదరుడు యాదగిరిరెడ్డి అనారోగ్యంతో కన్నుమూశారు. ఆయ‌న వ‌య‌స్సు 85 సంవ‌త్స‌రాలు. గ‌త కొంత కాలంగా అనారోగ్యంతో బాధ‌ప‌డుతున్న ఆయ‌న రంగారెడ్డి జిల్లా కందుకూరు మండ‌లం తిమ్మాపూర్‌లోని త‌న నివాసంలో బుధ‌వారం రాత్రి క‌న్నుమూశారు. విషయం తెలిసిన వెంటనే మంత్రి కిషన్‌రెడ్డి తిమ్మాపూర్ చేరుకున్నారు. యాదగిరిరెడ్డి మృతి విషయం తెలిసిన పలువురు నేతలు కిషన్‌రెడ్డిని పరామర్శించారు. నేడు అంత్యక్రియలు నిర్వహించనున్నారు.