'కేసీఆర్‌పై పోటీ చేస్తా'.. ఈటల సంచలన ప్రకటన

భారతీయ జనతా పార్టీ (బిజెపి) రాష్ట్ర ఎన్నికల నిర్వహణ కమిటీ చైర్మన్, హుజురాబాద్‌ ఎమ్మెల్యే ఈటల రాజేందర్ సంచలన వ్యాఖ్యలు చేశారు. హుజూరాబాద్, గజ్వేల్ రెండు నియోజకవర్గాల నుండి పోటీ చేయనున్నట్టు అక్టోబరు 12, గురువారం నాడు ఈటల ప్రకటన చేశారు. ముఖ్యమంత్రి, భారత రాష్ట్ర సమితి (బీఆర్‌ఎస్) అధినేత కే చంద్రశేఖరరావు కూడా గజ్వేల్, కామారెడ్డి అసెంబ్లీ నియోజకవర్గాల నుంచి పోటీ చేయాలని యోచిస్తున్నారని గమనించాలి. ఇది ఒకప్పటి టీఆర్ఎస్ (ప్రస్తుతం బీఆర్ఎస్) అధినేత, ఒకప్పుడు కేసీఆర్‌కు అత్యంత సన్నిహితుడు మధ్య ఆసక్తికరమైన పోరు.

గురువారం హుజురాబాద్‌లో బీజేపీ కార్యకర్తల సమావేశంలో ఈటల మాట్లాడారు. తాను సీఎం కేసీఆర్‌పై గజ్వేల్‌లో, అలాగే హుజురాబాద్‌ నియోజకవర్గంలో పోటీ చేయనున్నట్టు ప్రకటించారు. హుజురాబాద్‌లో మీరే కథనాయకులు కావాలంటూ కార్యకర్తలకు పిలుపునిచ్చారు. కేసీఆర్‌ ప్రజల విశ్వాసం కోల్పోయారని ఈటల అన్నారు. అంగట్లో సరుకుల్లా నాయకులను కేసీఆర్‌ కొంటున్నారని, నాయకుడి స్థాయిని బట్టి ధర అంటగడుతున్నారని అన్నారు. ఈ ఎన్నికల్లో కేసీఆర్‌ ఒక్కొ నియోజకవర్గంలో రూ.30 కోట్ల వరకు ఖర్చు పెట్టి గెలవాలని చూస్తున్నారని ఈటల ఆరోపణలు చేశారు.

భూ ఆక్రమణ ఆరోపణలు రావడంతో బీఆర్‌ఎస్‌ పార్టీ నుండి బయటకు వచ్చిన ఈటల రాజేందర్.. ఆ తర్వాత కాషాయ పార్టీలో చేరారు. నవంబర్ 2021 లో, అతను 23,855 ఓట్ల తేడాతో హుజూరాబాద్ స్థానంలో గెలిచాడు. తెలంగాణలో నవంబర్ 30న ఎన్నికలు జరగనుండగా, డిసెంబర్ 3న కౌంటింగ్ నిర్వహించనున్నారు. 119 అసెంబ్లీ స్థానాలు ఉన్నాయి.