ఈ నెల 20న తెలంగాణ బడ్జెట్..30వరకు అసెంబ్లీ సమావేశాలు

తెలంగాణ శాసనసభ బడ్జెట్ సమావేశాలపై కీలక అప్‌డేట్ వెలువడింది. స్పీకర్ గడ్డం ప్రసాద్ కుమార్ అధ్యక్షతన జరిగిన బిజినెస్ అడ్వైజరీ కమిటీ (BAC) సమావేశంలో, అసెంబ్లీ సమావేశాలను ఈ నెల 30వ తేదీ వరకు నిర్వహించాలని నిర్ణయించారు. ఇందులో భాగంగా, మార్చి 20వ తేదీన ఉప ముఖ్యమంత్రి మల్లు భట్టి విక్రమార్క రాష్ట్ర వార్షిక బడ్జెట్‌ను అసెంబ్లీలో ప్రవేశపెట్టనున్నారు. ఈ బడ్జెట్ సెషన్స్‌లో రాష్ట్ర అభివృద్ధి, సంక్షేమ పథకాలకు సంబంధించి ప్రభుత్వం కీలక కేటాయింపులు చేయనుంది.

గవర్నర్ శివ ప్రతాప్ శుక్లా ప్రసంగంతో బడ్జెట్ సమావేశాలు సోమవారం అధికారికంగా ప్రారంభమయ్యాయి. మార్చి 17, 18 తేదీలలో గవర్నర్ ప్రసంగానికి ధన్యవాదాలు తెలిపే తీర్మానంపై చర్చ ఉంటుంది. మార్చి 19న ఉగాది పండుగ సందర్భంగా సభకు సెలవు ప్రకటించారు. మార్చి 20న బడ్జెట్ ప్రవేశపెట్టిన అనంతరం, మార్చి 21న ఈద్ మరియు మార్చి 22న ఆదివారం కావడంతో వరుసగా రెండు రోజులు సెలవులు ఉంటాయి. తిరిగి మార్చి 23 నుండి 26 వరకు బడ్జెట్‌పై ఉభయ సభల్లో సుదీర్ఘ చర్చ కొనసాగుతుంది.