తెలంగాణలో ఆ 3 రోజులు జాగ్రత్త..దంచికొట్టనున్న అకాల వర్షాలు

హైదరాబాద్ వాసులతో పాటు తెలంగాణ ప్రజలు అప్రమత్తంగా ఉండాల్సిన సమయం వచ్చింది. ప్రస్తుతం కొనసాగుతున్న పొగమంచు పరిస్థితుల మధ్య, రాష్ట్రంలో 2026 సంవత్సరపు తొలి అకాల వర్షాలు (Unseasonal Rains) కురిసే అవకాశం ఉందని భారత వాతావరణ శాఖ (IMD) హెచ్చరించింది. కేవలం వర్షమే కాకుండా, కొన్ని జిల్లాల్లో వడగళ్ల తుఫాను (Hailstorms) కూడా వచ్చే అవకాశం ఉందని అంచనా వేస్తున్నారు.

వాతావరణ విశ్లేషకులు మరియు వాతావరణ ఔత్సాహికుడు టి. బాలాజీ (Telangana Weatherman) ప్రకారం..వచ్చే వారం వాతావరణంలో భారీ మార్పులు చోటుచేసుకోనున్నాయి. ఫిబ్రవరి 22, 23 మరియు 24 తేదీల్లో తెలంగాణ అంతటా ఉరుములతో కూడిన వర్షాలు కురిసే అవకాశం ఉంది. కొన్ని ప్రాంతాల్లో 20-40 మి.మీ వరకు మోస్తరు నుండి భారీ వర్షం పడే అవకాశం ఉంది. హైదరాబాద్‌తో పాటు రాష్ట్రంలోని పలు ప్రధాన జిల్లాల్లో వర్షం మరియు వడగళ్ల ప్రభావం ఉండవచ్చని ఐఎండీ పేర్కొంది.