అనంతగిరి ఘాట్ రోడ్డులో ఆర్టీసీ బస్సు బోల్తా.. మ‌హిళ దుర్మ‌ర‌ణం
RTC Bus overturns in Ananthagiri Ghat Road.ఆర్టీసీ బస్సు అదుపు త‌ప్పి బోల్తా ప‌డింది. ఈ ఘ‌ట‌న‌లో ఓ మ‌హిళ మృతి చెంద‌గా
By తోట వంశీ కుమార్‌ Published on 20 Nov 2022 7:51 AM GMT
ఆర్టీసీ బస్సు అదుపు త‌ప్పి బోల్తా ప‌డింది. ఈ ఘ‌ట‌న‌లో ఓ మ‌హిళ మృతి చెంద‌గా మ‌రో 10 మంది వ‌ర‌కు తీవ్రంగా గాయ‌ప‌డ్డారు. ఈ ఘ‌ట‌న వికారాబాద్ జిల్లా అనంతగిరి ఘాట్ రోడ్డులో జ‌రిగింది.
వికారాబాద్ డిపోకు చెందిన పల్లె వెలుగు బస్సు తాండూరు నుంచి వికారాబాద్ కు బ‌య‌లుదేరింది. అనంతగిరి గుట్ట సమీపంలో బస్సు బ్రేకులు ఫెయిల్ కావ‌డంతో రోడ్డు పక్కనే ఉన్న లోయలో బోల్తా స‌మాచారం అందుకున్న వెంట‌నే పోలీసులు ఘ‌ట‌నాస్థ‌లానికి చేరుకున్నారు. గాయ‌ప‌డిన వారిని స‌మీపంలోని ఆస్ప‌త్రుల‌కు త‌ర‌లించారు. చికిత్స పొందుతూ ఓ మ‌హిళ మృతి చెందింది. మ‌రో ప‌ది మందికి పైగా చికిత్స పొందుతున్న‌ట్లు వైద్యులు తెలిపారు. ప్ర‌మాద స‌మ‌యంలో బ‌స్సులో 60 మందికి పైగా ఉన్న‌ట్లు తెలుస్తోంది. ఈ ప్ర‌మాదంపై కేసు న‌మోదు చేసుకున్న పోలీసులు ద‌ర్యాప్తు చేప‌ట్టారు.
Next Story
