తెలంగాణ మున్సిపల్ ఎన్నికలు.. బీజేపీ తరపున ప్రచారం చేయనున్న ప‌వ‌న్‌

ఆంధ్రప్రదేశ్ ఉప ముఖ్యమంత్రి, జనసేన పార్టీ అధినేత పవన్ కళ్యాణ్ ఫిబ్రవరి 7, 8 తేదీల్లో జరగనున్న తెలంగాణ మున్సిపల్ ఎన్నికల్లో బీజేపీ తరపున ప్రచారం చేయనున్నారు. ఫిబ్రవరి 3వ తేదీ మంగళవారం హైదరాబాద్‌లోని పవన్ కళ్యాణ్ నివాసంలో జరిగిన సమావేశం త‌ర్వాత ప్రచారంపై కీల‌క ప్ర‌క‌ట‌న వ‌చ్చింది. కేంద్ర బొగ్గు మ‌రియు గనుల శాఖ మంత్రి జి కిషన్ రెడ్డి, తెలంగాణ బీజేపీ అధ్యక్షుడు రాంచందర్ రావు, ప‌వ‌న్ క‌ళ్యాణ్‌ల‌ మధ్య జరిగిన సమావేశం తరువాత ఈ నిర్ణ‌యం వెలువ‌డింది.

ఈ నెల చివర్లో జరగనున్న మున్సిపల్ ఎన్నికలు సహా అనేక కీలక అంశాలపై స‌మావేశంలో చ‌ర్చ జ‌రిగింద‌ని రాంచందర్ రావు తెలిపారు. బిజెపి తరపున ప్రచారం చేయాలన్న అభ్యర్థనకు పవన్ కళ్యాణ్ సానుకూలంగా స్పందించారని ఆయ‌న‌ పేర్కొన్నారు. సోషల్ మీడియా ప్లాట్‌ఫామ్ X లో కిషన్ రెడ్డితో పాటు పవన్ కళ్యాణ్‌ను కలవడం గౌరవంగా ఉందని రావు అన్నారు. చర్చలు అర్థవంతంగా జ‌రిగాయ‌ని ఆయ‌న పేర్కొన్నారు. పవన్ కళ్యాణ్ బీజేపీకి పూర్తి మద్దతు ఇచ్చారని, మున్సిపల్ ఎన్నికల్లో బీజేపీ తరపున ప్రచారం చేయడానికి అంగీకరించారని ఆయన అన్నారు.

ఇదిలావుంటే.. తెలంగాణలోని ఏడు మున్సిపల్ కార్పొరేషన్లు, 116 మునిసిపాలిటీలలో ఫిబ్రవరి 11న మున్సిపల్ ఎన్నికల పోలింగ్ జరుగుతుంది. ఫిబ్రవరి 13న ఫలితాలు ప్రకటించబడతాయి.