తెలంగాణ ఆవిర్భావ వేడుకలు.. జాతీయ జెండా ఆవిష్కరించిన సీఎం రేవంత్‌
సికింద్రాబాద్‌లోని పరేడ్‌ గ్రౌండ్స్‌లో జరుగుతున్న తెలంగాణ ఆవిర్భావ వేడుకల్లో సీఎం రేవంత్‌ రెడ్డి జాతీయ జెండాను ఆవిష్కరించారు. అనంతరం ఆయన పోలీసుల నుంచి గౌరవ వందనం స్వీకరించారు.
By అంజి
తెలంగాణ ఆవిర్భావ వేడుకలు.. జాతీయ జెండా ఆవిష్కరించిన సీఎం రేవంత్‌
సికింద్రాబాద్‌లోని పరేడ్‌ గ్రౌండ్స్‌లో జరుగుతున్న తెలంగాణ ఆవిర్భావ వేడుకల్లో సీఎం రేవంత్‌ రెడ్డి జాతీయ జెండాను ఆవిష్కరించారు. అనంతరం ఆయన పోలీసుల నుంచి గౌరవ వందనం స్వీకరించారు. ఈ కార్యక్రమానికి జపాన్‌ ప్రతినిధుల బృందం హాజరైంది. ఈ సందర్భంగా పోలీసులకు ఉత్తమ సేవా పతకాలను సీఎం ప్రదానం చేయనున్నారు.
అంతకుముందు తెలంగాణన ఆవిర్భావ దినోత్సవం సందర్భంగా గన్‌పార్క్‌ వద్ద అమరవీరుల స్తూపానికి సీఎం రేవంత్‌ రెడ్డి నివాళులు అర్పించారు. ఈ కార్యక్రమంలో టీపీసీసీ చీఫ్‌ మహేష్‌ కుమార్‌ గౌడ్‌, జీహెచ్‌ఎంసీ మేయర్‌ గద్వాల్‌ విజయలక్ష్మి, ఎంపీలు, ఎమ్మెల్యేలు, కాంగ్రెస్‌ నేతలు, కార్యకర్తలు పాల్గొన్నారు.
రాష్ట్ర అవతరణ దినోత్సవం సందర్భంగా సీఎం రేవంత్‌ ట్వీట్‌ చేశారు. 'ఆహార్యంలో ఆత్మగౌరవం.. ఆ రూపంలో నిండుదనం.. తెలంగాణ తల్లికి.. సదా సర్వదా నీరాజనం' అని పేర్కొన్నారు. తెలంగాణ తల్లి గీతాన్ని ఆయన పంచుకున్నారు.
