Telangana: స‌చివాల‌యంలో గుడి, మ‌సీదు, చ‌ర్చి.. 25న ప్రారంభించ‌నున్న సీఎం కేసీఆర్

హైదరాబాద్: డాక్టర్ బీఆర్ అంబేద్కర్ సచివాలయ భవన సముదాయంలో నిర్మించిన దేవాలయం, చర్చి, మసీదు మూడు ప్రార్థనా స్థలాలను ఆగస్టు 25న ముఖ్యమంత్రి కే చంద్రశేఖర్‌రావు ప్రారంభించనున్నారు. శనివారం రోడ్లు భవనాల శాఖ మంత్రి వేముల ప్రశాంత్‌రెడ్డి అధికారులతో కలిసి పుణ్యక్షేత్రాల్లో జరుగుతున్న పనులను పరిశీలించారు. తక్షణమే అన్ని విధాలుగా పనులు పూర్తి చేసి ప్రారంభోత్సవానికి రంగం సిద్ధం చేయాలని అధికారులను ఆదేశించారు. మీడియాతో మంత్రి మాట్లాడుతూ.. సర్వమత సౌభ్రాతృత్వాన్ని పెంపొందించే విధంగా ముఖ్యమంత్రి పిలుపు మేరకు ప్రార్థనా మందిరాలను నిర్మించామన్నారు. 2,300 గజాల్లో ఆలయ నిర్మాణం చేపట్టామని ఆయన వెల్లడించారు. అందులో భాగమైన శివాలయం, పోచమ్మగుడి, హనుమాన్, గణపతి ఆలయాలు కూడా పూర్తయ్యాయి.

ప్రతిష్ఠాపన చేయాల్సిన విగ్రహాలను తిరుపతి నుంచి తెప్పించారు. ఆలయ ప్రారంభోత్సవానికి గుర్తుగా 'యాగం' నిర్వహిస్తారు. సంబంధిత మత పెద్దల సమక్షంలో ఆయా మతాల సంప్రదాయాల ప్రకారం మసీదు, చర్చిలను కూడా తెరుస్తామని చెప్పారు. తెలంగాణలో అన్ని మతాలకు సమాన ప్రాముఖ్యత ఇవ్వబడింది. ముఖ్యమంత్రికి అన్ని విశ్వాసాల పట్ల గొప్ప గౌరవం ఉందని, తదనుగుణంగా, గతంతో పోలిస్తే మెరుగైన ఆధ్యాత్మిక వాతావరణంలో పుణ్యక్షేత్రాలు అన్ని వైభవంగా నిర్మించబడతాయని మంత్రి అన్నారు. సర్వమత సౌభ్రాతృత్వం పరిఢ‌విల్లేలా ఈ ప్రార్థ‌న మందిరాలు నిర్మితం అయ్యాయ‌ని పేర్కొన్నారు. గతంలో ఉన్న దానికంటే అద్భుతంగా వీటిని నిర్మించామ‌న్నారు. ఇక మ‌సీదు, చర్చి కూడా ఆయా మత పెద్దల సమక్షంలో ప్రారంభించుకుంటామ‌ని ప్ర‌శాంత్ రెడ్డి తెలిపారు.