Delhi: మహిళలందరిని కలుపుకొని పోరాడుతాం: ఎమ్మెల్సీ కవిత

హైదరాబాద్‌: ప్రస్తుత పార్లమెంట్‌ సమావేశాల్లో మహిళా రిజర్వేషన్‌ బిల్లును ప్రవేశపెట్టాలని డిమాండ్‌ చేస్తూ భారత రాష్ట్ర సమితి (బీఆర్‌ఎస్‌) ఎమ్మెల్సీ కె.కవిత ఆధ్వర్యంలో భారత జాగృతి ఆధ్వర్యంలో శుక్రవారం ఉదయం 9 గంటల నుంచి సాయంత్రం 4 గంటల వరకు ఢిల్లీలోని జంతర్‌మంతర్‌లో రోజంతా నిరాహారదీక్ష చేపట్టారు. ఉదయం 10 గంటలకు ప్రారంభోత్సవ సభను సీనియర్ నాయకులు, సీపీఐ ప్రధాన కార్యదర్శి సీతారాం ఏచూరి, అనంతరం నిరాహార దీక్షపై కె కవిత ప్రసంగించారు. రాజకీయాల్లోనూ మహిళకు సముచిత స్థానం దక్కాలని స్పష్టంచేశారు. దీక్షకు మద్దతు తెలుపుతున్న అందరికీ కృతజ్ఞతలు తెలిపారు.

మహిళా రిజర్వేషన్‌ బిల్లు చాలా కాలంగా పెండింగ్‌లో ఉందని కవిత చెప్పారు. 1996లో నాటి ప్రధాని దేవేగౌడ హయాంలో బిల్లు పెట్టినా ఇంకా చట్టం కాలేదని చెప్పారు. ప్రస్తుతం పార్లమెంటులో బీజేపీ ప్రభుత్వానికి పూర్తి మెజారిటీ ఉందని, మహిళా రిజర్వేషన్‌ బిల్లు పెడితే అన్ని పార్టీలు మద్దతు ఇస్తాయని అన్నారు. మహిళా రిజర్వేషన్‌ బిల్లు ఓ చారిత్రక అవసరమని, ఇది సాధించి తీరాలని అన్నారు. మహిళా రిజర్వేషన్‌ సాధించే వరకూ ఆగేదే లేదని స్పష్టం చేశారు. దేశంలోని మహిళలందరిని కలుపుకొని.. ఈ బిల్లు కోసం పోరాడుతామన్నారు.

సిట్-ఇన్ ధర్నాకు భారతదేశం అంతటా మహిళా రిజర్వేషన్ బిల్లుకు మద్దతిచ్చిన ప్రతిపక్ష పార్టీలు, మహిళా సంఘాల నుండి హాజరవుతున్నారు. దీర్ఘకాలంగా పెండింగ్‌లో ఉన్న మహిళా రిజర్వేషన్‌ బిల్లును ఆమోదించాలని, పార్లమెంట్‌, రాష్ట్ర శాసనసభల్లో మహిళలకు 33 శాతం రిజర్వేషన్‌ కల్పించాలని కేంద్రాన్ని డిమాండ్‌ చేస్తూ బీఆర్‌ఎస్‌ ఎమ్మెల్సీ కె.కవిత నేతృత్వంలో 500-600 మంది నిరాహారదీక్షకు దిగనున్నారు. బీఆర్‌ఎస్‌ అధినేత కే చంద్రశేఖర్‌రావు ఆదేశాల మేరకు మంత్రులు సత్యవతి రాథోడ్‌, పీ సబితా ఇంద్రారెడ్డితో పాటు బీఆర్‌ఎస్‌లోని మహిళా ఎంపీలు, ఎమ్మెల్యేలు, ఎమ్మెల్సీలు, ఇతర నేతలు రోజంతా జరిగే ప్రదర్శనలో పాల్గొంటారు.

మరోవైపు జంతర్‌మంతర్‌లో శుక్రవారం బీఆర్‌ఎస్‌ ఎమ్మెల్సీ కె.కవిత పిలుపునిచ్చిన ఒకరోజు నిరాహారదీక్షలో కాంగ్రెస్‌ పాల్గొనబోదని ఆ పార్టీ నేత జైరాం రమేష్‌ తెలిపారు.