కృష్ణాజిల్లా కంచికచర్ల లోని జుజ్జూరు రోడ్డు పాములపాటి వారి వీధిలో మహిళా టీచర్ అనుమానాస్పద స్థితిలో మృతి చెందింది. ఉదయాన్నే వారింట్లో పనిచేసేందుకు వచ్చిన పనిమనిషి టీచర్ నాగమణి మృతదేహాన్ని చూసి కేకలు వేయడంతో..చుట్టుపక్కల వారంతా ఆ ఇంటి ముందు గుమిగూడారు. ఇంతలో ఎవరో పోలీసులకు ఫోన్ చేసి సమాచారమివ్వడంతో..పోలీసులు ఘటనా స్థలానికి చేరుకుని మృతదేహాన్ని పరిశీలించారు. పూర్తిగా కాలిన స్థితిలో ఉన్న నాగమణి మృతదేహాన్ని పోస్టుమార్టం నిమిత్తం ఆస్పత్రికి తరలించారు. నాగమణి పెట్రోల్ పోసుకుని ఆత్మహత్యకు పాల్పడినట్లుగా భావిస్తున్నారు.

Also Read : స్మార్ట్‌ ఫోన్‌ కొనివ్వలేదని ఇంటర్‌ విద్యార్థిని బలవన్మరణం..

కాగా..నాగమణి వీరులపాడు మండలం జుజ్జూరు గ్రామ హై స్కూల్ లో ఉపాధ్యాయురాలిగా పనిచేస్తున్నారు. నాగమణికి ఆత్మహత్య చేసుకోవాల్సినంత అవసరం లేదని, ఆవిడకు ఎలాంటి సమస్యలు లేవని సన్నిహితులు చెప్పడంతో..పోలీసులు అనుమానాస్పద మృతిగా కేసు నమోదు చేసుకుని దర్యాప్తు చేస్తున్నారు. ఆత్మహత్య చేసుకోవాల్సిన అవసరం లేకపోతే..వారికేమైనా ఆస్తులున్నాయా ? ఆ ఆస్తుల కోసం అయినవారెవరైనా నాగమణిని హతమార్చి ఉంటారా ? అన్న కోణంలో దర్యాప్తు జరుగుతోంది.

Also Read : ప్రియుడితో ఏకాంతంగా..రహస్య వీడియోలు లీక్

రాణి యార్లగడ్డ

నాపేరు యార్లగడ్డ నాగరాణి. నేను న్యూస్ మీటర్ తెలుగులో జర్నలిస్ట్ గా పనిచేస్తున్నాను. గతంలో నేను ఆంధ్రప్రభ, సీవీఆర్ న్యూస్ ఛానెల్ లో మూడున్నరేళ్లు పనిచేశాను. జర్నలిజం పట్ల నాకు ఉన్న ఇష్టం, ఆసక్తితో నేను ఈ వృత్తిని ఎంచుకున్నాను.