నవీ ముంబై విమానాశ్రయంలో ఆటోమేటెడ్ ఎయిర్ కార్గో హబ్ నిర్మాణానికి శంకుస్థాపన చేసిన FedEx

FedEx మరియు నవీ ముంబై అంతర్జాతీయ విమానాశ్రయం (NMIA), ఈ రోజు ఫెడెక్స్ యొక్క పూర్తిగా ఆటోమేటెడ్ ఎయిర్ కార్గో హబ్‌ను ప్రారంభించాయి. ఈ హబ్ భారతదేశంలోని అతిపెద్ద అంతర్జాతీయ వాణిజ్య కారిడార్‌లో సామర్థ్యాన్ని మరింత పెంచడంతో పాటు, పశ్చిమ భారతదేశానికి సమగ్ర లాజిస్టిక్స్ మరియు వాణిజ్య గేట్‌వేగా NMIA యొక్క కీలక పాత్రను మరింత బలోపేతం చేస్తుంది.

FedEx ₹2,500 కోట్ల దీర్ఘకాలిక పెట్టుబడి, ప్రతిపాదిత 3,00,000 చదరపు అడుగుల సదుపాయానికి మద్దతు ఇస్తోంది. ప్రాంతీయ ఏకీకరణ మరియు పునర్వితరణ కేంద్రంగా రూపుదిద్దుకుంటున్న ఈ సదుపాయం, అదానీ ఎయిర్పోర్ట్ హోల్డింగ్స్ లిమిటెడ్ (AAHL) భాగస్వామ్యంతో అభివృద్ధి చేయబడుతోంది. పశ్చిమ భారతదేశం అంతర్జాతీయ వాణిజ్య కారిడార్‌ను బలోపేతం చేయడానికి NMIA యొక్క మల్టీమోడల్ మౌలిక సదుపాయాలను ఈ హబ్ సమర్థవంతంగా వినియోగించుకోనుంది. కార్యకలాపాలు ప్రారంభమైన తరువాత, లాజిస్టిక్స్, గిడ్డంగులు, రవాణా మరియు అనుబంధ సేవలలో 6,000 కంటే ఎక్కువ ప్రత్యక్ష మరియు పరోక్ష ఉపాధి అవకాశాలు సృష్టించబడతాయని అంచనా.

ముఖ్యమంత్రి దేవేంద్ర ఫడ్నవీస్, మహారాష్ట్ర; రాజ్ సుబ్రమణ్యం, ప్రెసిడెంట్ మరియు సిఇఒ, FedEx; మిస్టర్ రిచర్డ్ స్మిత్, సిఇఒ, ఎయిర్లైన్ మరియు సిఓఓ, ఇంటర్నేషనల్, ఫెడెక్స్; కామి విశ్వనాథన్, ప్రెసిడెంట్, FedEx మిడిల్ ఈస్ట్, ఇండియన్ సబ్‌కాంటినెంట్ అండ్ ఆఫ్రికా (MEISA) మరియు జీత్ అదానీ, డైరెక్టర్, AAHL సమక్షంలో ఈ కార్యక్రమం జరిగింది.

జీత్ అదానీ, డైరెక్టర్, AAHL ఇలా అన్నారు, “ఈ అభివృద్ధి, భారతదేశ వాణిజ్య పోటీతత్వాన్ని బలోపేతం చేసే సమగ్ర మౌలిక సదుపాయాలను నిర్మించాలన్న NMIA యొక్క దీర్ఘకాలిక దృష్టిని ప్రతిబింబిస్తుంది. జవహర్‌లాల్ నెహ్రూ నౌకాశ్రయం, పారిశ్రామిక కారిడార్లు మరియు మల్టీమోడల్ ట్రాన్స్‌పోర్ట్ నెట్‌వర్క్‌లకు సమీపంలో ఉండటం వల్ల, అధిక వృద్ధి సాధిస్తున్న ఎగుమతి రంగాలకు మద్దతు ఇవ్వడంలో మరియు మహారాష్ట్రను ప్రపంచ లాజిస్టిక్స్ గేట్‌వేగా మరింత బలోపేతం చేయడంలో NMIA ప్రత్యేక స్థానం కలిగి ఉంది.”

కామి విశ్వనాథన్, ప్రెసిడెంట్, FedEx MEISA ఇలా అన్నారు, “ప్రపంచ వాణిజ్యంలో భారతదేశం యొక్క పోటీతత్వం, దాని లాజిస్టిక్స్ మౌలిక సదుపాయాల విశ్వసనీయత మరియు వేగంపై ఎక్కువగా ఆధారపడి ఉంటుంది. నవి ముంబై అంతర్జాతీయ విమానాశ్రయం (NMIA) వద్ద ఈ హబ్‌ను ఏర్పాటు చేయడం ద్వారా, భారతదేశం యొక్క వేగంగా అభివృద్ధి చెందుతున్న వాణిజ్య కారిడార్‌ను ప్రపంచ నెట్‌వర్క్ బలంతో ఏకీకృతం చేయడానికి అవకాశం లభిస్తుంది. దీనివల్ల వినియోగదారులకు మరింత ఖచ్చితత్వం, వేగం మరియు సామర్థ్యం అందించబడుతుంది.”

ఈ అభివృద్ధి ఆగ్నేయాసియా, పశ్చిమ ఆసియా, యూరప్ మరియు యునైటెడ్ స్టేట్స్ అంతటా వాణిజ్య ప్రవాహాన్ని బలోపేతం చేస్తూ, ప్రపంచ నెట్‌వర్క్ కనెక్టివిటీని నేరుగా భారతదేశ ప్రధాన వాణిజ్య కారిడార్‌లో ఏకీకృతం చేస్తుంది. అధునాతన ఆటోమేటెడ్ సార్టింగ్ సిస్టమ్స్, డైమెన్షనల్ స్కానింగ్, హై-స్పీడ్ స్క్రీనింగ్ టెక్నాలజీ మరియు ప్రత్యేక ఎయిర్‌క్రాఫ్ట్ పార్కింగ్ బేలు కలిగిన ఈ హబ్, ఇన్‌బౌండ్ మరియు అవుట్‌బౌండ్ సరుకులను ఒకేసారి ప్రాసెస్ చేయడానికి సహాయపడుతుంది. దీని వల్ల రూటింగ్‌లో మరింత వశ్యత, రవాణా సమయాల అంచనాలో మెరుగుదల లభిస్తుంది — ముఖ్యంగా ఎలక్ట్రానిక్స్, ఇంజనీరింగ్ వస్తువులు, ఫార్మాస్యూటికల్స్ మరియు పాడైపోయే వస్తువుల వంటి అధిక విలువ, సమయ-సున్నిత రంగాలకు. మెరుగైన విశ్వసనీయతతో సూక్ష్మ, చిన్న మరియు మధ్యతరహా పరిశ్రమల (ఎంఎస్ఎంఇ) ఎగుమతి-దిగుమతి సామర్థ్యాలు బలోపేతం కావడంతో పాటు, తక్కువ లాజిస్టిక్స్ ఖర్చులు మరియు వేగవంతమైన టర్నరౌండ్ సమయాలకు కూడా దోహదం చేస్తుందని భావిస్తున్నారు.

NMIA యొక్క కార్గో మౌలిక సదుపాయాలు సంవత్సరానికి సుమారు 0.5 మిలియన్ మెట్రిక్ టన్నుల (MMT) ప్రారంభ నిర్వహణ సామర్థ్యంతో ప్రారంభమయ్యేలా ప్రణాళిక చేయబడ్డాయి. అనంతరం, దశలవారీగా విస్తరించుతూ తుది అభివృద్ధి దశలో 3.25 MMT వరకు పెంచబడతాయి. ఈ దశలవారీ సామర్థ్య విస్తరణ, ముంబై మెట్రోపాలిటన్ రీజియన్ (MMR) ను భారతదేశంలోని అత్యంత ఆధునిక విమాన సరుకు రవాణా మరియు లాజిస్టిక్స్ గేట్వేలలో ఒకటిగా నిలబెట్టాలన్న విమానాశ్రయం యొక్క దీర్ఘకాలిక వ్యూహానికి మద్దతు ఇస్తుంది.

భారతదేశంలో దాదాపు మూడు దశాబ్దాల కార్యకలాపాలను కొనసాగిస్తూ, FedEx యొక్క అంకితమైన ఉనికిని ఈ హబ్ మరింత విస్తరిస్తుంది. అదే సమయంలో, ప్రపంచ సరఫరా గొలుసుల్లో సమగ్ర ఏవియేషన్ మరియు మల్టీమోడల్ వాణిజ్య వేదికగా NMIA పాత్రను బలోపేతం చేయడంలో ఇది సహకరిస్తుంది.