మీ ఫోన్/కంప్యూటర్ లో యూట్యూబ్ పని చేస్తోందా.?

కొద్దిరోజుల కిందట మైక్రోసాఫ్ట్ ఇచ్చిన షాక్ కు టెక్ ప్రపంచం ఇంకా తేరుకోకముందే.. ఇప్పుడు యూట్యూబ్ పని చేయడం లేదంటూ పలువురు గగ్గోలు పెడుతున్నారు. భారతదేశంలో చాలా మంది వినియోగదారులు YouTube విషయంలో అంతరాయాన్ని ఎదుర్కొంటూ ఉన్నారు. చాలా మంది వినియోగదారులు ఎక్స్ లో యూట్యూబ్ పని చేయడం లేదంటూ పోస్టులు పెడుతున్నారు. తమకు స్క్రీన్ మీద ఏమి చూపెడుతోందో కూడా తెలియజేస్తున్నారు.

ఈ రోజు కనిపించిన అంతరాయం అనేక మంది భారతీయ వినియోగదారులను ప్రభావితం చేస్తోంది. కొందరు ఎటువంటి సమస్యలు లేకుండా సైట్‌ను యాక్సెస్ చేయగలుగుతున్నారు. కొంతమంది వీడియోలను లోడ్ చేస్తున్నప్పుడు లేదా ప్లాట్‌ఫారమ్‌ను పూర్తిగా యాక్సెస్ చేసేటప్పుడు సమస్యలను ఎదుర్కొంటారు. #YouTubeDown వంటి హ్యాష్‌ట్యాగ్ X ప్లాట్‌ఫారమ్‌లలో ట్రెండింగ్‌ లోకి వచ్చింది. YouTube అంతరాయానికి ఖచ్చితమైన కారణం తెలియనప్పటికీ.. సర్వర్ సమస్యలు, నిర్వహణ కార్యకలాపాలలో సమస్యల కారణంగా అంతరాయం కలిగి ఉంటుందని భావిస్తున్నారు.