పూజిత పొన్నాడ.. ఈ బ్యూటీకి రామ్‌చరణ్‌ బ్లాక్‌ బస్టర్‌ మూవీ అయిన ‘రంగస్థలం’లో అవకాశం వచ్చిన విషయం తెలిసిందే. ఈ సినిమా మంచి హిట్‌ కావడంతో ఈ తెలుగమ్మాయికి అవకాశాలు కూడా బాగానే వచ్చాయి. నారా రోహిత్‌తో ‘తుంటరి’ సినిమాలో నటించి వెండితెరకు పరిచయమైంది. ఆ తర్వాత రంగస్థలం, కల్కి సినిమాల్లో నటించింది. అంతేకాదు ‘వేర్ ఈజ్ వెంకట లక్ష్మి’, ‘బ్రాండ్ బాబు’, ‘సెవెన్’ ‘కల్కి’ సినిమాల్లో కూడా నటించింది. ఈ భామ రంగస్థలం, కల్కి చిత్రాల ద్వారా తన నటనకు ప్రశంసలు అందుకుంది. ఈ తెలుగమ్మాయి బుల్లితెరపై పలు కార్యక్రమాల్లో ఆక‌ట్టుకుంటుంది. అందులో భాగంగా ప్రస్తుతం సరైన బ్రేక్ కోసం ఎదురుచూస్తోన్న విశాఖకు చెందిన ఈ భామకు అదిరిపోయే ఆఫర్ వచ్చినట్లు తెలుస్తోంది.

పవర్‌స్టార్‌ పవన్‌ కల్యాణ్‌ హీరోగా క్రిష్‌ డైరెక్షన్‌లో భారీ చిత్రం తెరకెక్కుతున్న విషయం తెలిసిందే. ఆంగ్లేయుల కాలంలో బందీపోటు పాత్రలో పవన్‌ కనిపించనున్నాడట. ఈ సినిమా కథ రాబిన్‌ హుడ్‌ తరహాలో ఉంటుందని తెలుస్తోంది.

కాగా, ఈ సినిమాలో ఓ ఐటం సాంగ్‌లో తెలుగమ్మాయి పూజిత కనిపించనుందట. అంతేకాదు భారీ సెట్‌లో ఇప్పటికే పూజితపై సాంగ్‌ షూటింగ్‌ కూడా పూర్తయిందట. ఈ మూవీకి విరూపాక్ష అనే టైటిల్‌ పెట్టేందుకు చిత్ర బృందం ఆలోచిస్తోంది. ఇక పాపులర్‌ ప్రొడ్యూసర్‌ ఏఎం రత్నం భారీ ఎత్తున ఈ చిత్రాన్ని నిర్మిస్తున్నాడు. అందుకే ఈ సినిమాలో ఐటం సాంగ్‌ పెట్టి ఫ్యాన్స్‌ను మరింత అలరించాలని భావిస్తోంది చిత్ర యూనిట్‌.

ఈ సినిమాకు కీరవాణి సంగీతం అందిస్తున్నాడు. హిందీ నటి జాక్విలిన్‌ ఫెర్నాండెజ్‌ పవన్ సరసన నటిస్తోంది. ఇప్పటికే ఓ షెడ్యూల్‌ కూడా పూర్తి చేసుకోగా, కరోనా వైరస్‌ కారణంగా షూటింగ్‌ వాయిదా పడింది.

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.