నితిన్ డెస్టినేషన్ వెడ్డింగ్ కు బ్రేకులు..ఎందుకంటే

టాలీవుడ్ మోస్ట్ ఎలిజిబుల్ బ్యాచిలర్స్ లో ఒకరైన హీరో నితిన్ త్వరలోనే ఓ ఇంటివాడవ్వబోతున్న సంగతి విధితమే. తాను ప్రేమించిన షాలినితో నితిన్ ఇంట్లో పెద్దల ఒప్పందంతో ఫిబ్రవరిలో ఎంగేజ్ మెంట్ చేసుకున్నాడు. ఏప్రిల్ లో దుబాయ్ లో డెస్టినేషన్ వెడ్డింగ్.. ఆ తర్వాత హైదరాబాద్ లో గ్రాండ్ రిసెప్షన్ కు ప్లాన్ చేసుకున్నాడు. కానీ..ఇండియాలోకి..అందులోనూ తెలుగు రాష్ర్టాలలోకి చొరబడిన కరోనా వైరస్ నితిన్ ఆశలపై నీళ్లు చల్లింది.

Also Read : యాభై ఏళ్ల తర్వాత గాళ్ ఫ్రెండ్ ను కలిసిన అమితాబ్..

కరోనా వైరస్ వ్యాప్తి చెందకుండా ఉండేందుకు ఆయా దేశాల ప్రధానులు, మంత్రులు, అధికారులంతా ప్రత్యేక చర్యలు తీసుకుంటున్నారు. దుబాయ్ లో కూడా ఎక్కువమంది పాల్గొనే ఫంక్షన్లు నిర్వహించరాదన్న నియమం రానుంది. ఈ నేపథ్యంలో నితిన్ డెస్టినేషన్ వెడ్డింగ్ కు బ్రేకులు పడ్డాయి. అలాగే విదేశాల్లో వివాహం అంటే..కరోనా వైరస్ సోకే అవకాశం ఉండటంతో హైదరాబాద్ లోనే పెళ్లి చేసుకోవాలని నిశ్చయించుకున్నాడట నితిన్.

Also Read : ఇంత ఆల్కహాల్ నేనెప్పుడూ తీసుకోలేదు : కాజల్

ఇక నితిన్ పెళ్లి రోజునే హీరో నిఖిల్ కూడా తన ప్రేయసిని వివాహం చేసుకోనున్నారు. మరి ఈ కుర్ర హీరో తన వివాహాన్ని విదేశాల్లో జరుపుకుంటాడో లేక..ఇండియాలోనే చేసుకుంటాడో అన్నదానిపై ఇప్పటి వరకూ క్లారిటీ లేదు. ఏదేమైనా..కరోనా వైరస్ మాత్రం అందరినీ భయపెట్టేస్తోంది. పెళ్లిళ్లు చేసుకోవాలన్నా, ఎక్కడైనా భోజనాలు చేయాలన్నా, ఎవరిని కలవాలన్నా కూడా ఆలోచింపజేస్తోందీ మహమ్మారి.