రెంట్‌కు ఉన్న మహిళ బాత్రూమ్‌లో సీక్రెట్‌ కెమెరా, వ్యక్తి అరెస్ట్

ఢిల్లీలోని షకర్‌పూర్ ప్రాంతంలో యూపీఎస్సీ అప్రిసియెంట్ మహిళ బెడ్‌రూమ్‌లో, బాత్‌రూమ్‌లో స్పై కెమెరాలను అమర్చాడు ఓ వ్యక్తి. ఆమె వాటిని గుర్తించి పోలీసులకు కంప్లైంట్ చేసింది. దాంతో.. పోలీసులు 30 ఏళ్ల వ్యక్తిని అరెస్టు చేశారు. మహిళ ఢిల్లీలో ఓ ఇంట్లో టెనెంట్‌గా నివసిస్తోంది. అయితే.. ఆమె రూమ్‌లోకి వచ్చిన యజమాని కుమారుడు కరణ్‌గా రహస్యంగా ఇంట్లో ఒక గదితో పాటు.. బాత్రూంలో కూడా సీసీ కెమెరాను ఏర్పాటు చేశాడు. దాచిన పరికరాలను గుర్తించి మహిళ.. పోలీసులకు సమాచారం ఇవ్వడంతో అతడిని అదుపులోకి తీసుకున్నారు.

యూపీఎస్సీ పరీక్షకు సిద్ధమవుతున్న మహిళ తన వాట్సాప్ ఖాతాలో అసాధారణ కార్యకలాపాలను గమనించి అనుమానం వచ్చింది. ఆమె లింక్ చేయబడిన పరికరాలను తనిఖీ చేసినప్పుడు, ఆమె ఖాతా తెలియని ల్యాప్‌టాప్ నుండి యాక్సెస్ చేయబడిందని గుర్తించింది. ఇది ఆమె అపార్ట్‌మెంట్‌లో వస్తువులను వెతికేలా చేసింది. ఆమె బాత్రూమ్ బల్బ్ హోల్డర్‌లో స్పై కెమెరాను కనుగొన్నది. ఆమె వెంటనే పోలీసులకు ఫోన్ చేయడంతో అధికారులు అక్కడికి చేరుకుని విచారణ చేపట్టారు. ఆమె బెడ్‌రూమ్‌లోని బల్బ్ హోల్డర్‌లో దాచిన మరో స్పై కెమెరాను వారు కనుగొన్నారు. తాను దూరంగా లేని సమయంలో ఇంటి యజమాని కొడుకు కరణ్‌ను తరచూ వచ్చేవాడనీ.. నమ్మి తాళం ఇస్తే ఇంత పని చేశాడని మహిళ వాపోయింది.

పోలీసులు కరణ్‌ను విచారించారు. కరణ్ మూడు నెలల క్రితం కెమెరాలను అమర్చినట్లు అంగీకరించాడు. ఆఫ్‌లైన్‌ కెమెరాలు కావడం ద్వారా.. వాటి మెమోరీ కార్డులను తీసుకునేందుకు నమ్మించి తాళం తీసుకునేవాడిని అని చెప్పాడు. కాగా పోలీసులు కరణ్ వద్ద నుంచి రికార్డు చేసిన వీడియోలతో కూడిన ఒక స్పై కెమెరా, రెండు ల్యాప్‌టాప్‌లను పోలీసులు స్వాధీనం చేసుకున్నారు. నిందితుడిని అరెస్ట్ చేశారు. సంబంధిత సెక్షన్ల కింద ఎఫ్‌ఐఆర్ నమోదు చేశామని పోలీసులు తెలిపారు.