టీవీ వార్తలు చూసి.. విమానానికి బాంబు బెదిరింపు మెయిల్ చేసిన బాలుడు

ఇప్పుడున్న తరం పిల్లలు టీవీలు.. ఫోన్లు.. ఎక్కువ చూస్తున్నారు. అందులో వచ్చే సినిమాలు కానీ ఇతర వాటిని అనుసరిస్తుంటారు. తాజాగా ఓ బాలుడు కలకలం సృష్టించాడు. దేశంలో వరుసగా పలు విమానాశ్రాలతో పాటు స్కూళ్లు, ఇతర చోట్లకు బాంబు బెదిరింపు కాల్స్ వెళ్లాయి. తరచూ ఈ వార్తలు టీవీల్లో వచ్చాయి. ఇక వీటిని చూసిన ఓ 13 ఏళ్ల బాలుడు చేసిన పనితో అందరూ కంగారుపడ్డారు. సరదా కోసం టొరంటో విమానానికి బాంబు బెదిరింపు మెయిల్ చేశాడు.

ఢిల్లీ నుంచి టొరంటో వెళ్లే ఎయిర్‌ కెనడా విమానానికి బాంబు బెదిరింపు కాల్‌ వచ్చింది. గత మంగళవారం ఈ సంఘటన చోటుచేసుకుంది. ఢిల్లీ ఎయిర్‌పోర్టు నుంచి టొరంటో వెళ్లడానికి ఎయిర్‌ కెనడా విమానం సిద్ధంగా ఉంది. ఈ క్రమంలోనే ఓ బాలుడు టీవీల్లో వార్తలను చూసి విమానంలో బాంబు పెట్టినట్లు.. ఢిల్లీ ఇంటర్నేషనల్‌ ఎయిర్‌పోర్ట్‌ లిమిటెడ్‌ మెయిల్‌కు మెసేజ్‌ పంపి బెదిరించాడు. రాత్రి 10.50 గంటల సమయంలో ఈ మెసేజ్‌ రాగానే వెంటనే ఎయిర్‌పోర్టు అధికారులు అప్రమత్తం అయ్యారు. టేకాఫ్‌కు సిద్ధంగా ఉన్న విమానాన్ని ఆపి మరీ తనిఖీలు చేశారు. ఆ తర్వాత అది ఫేక్‌ మెయిల్‌గా గుర్తించారు. ఇక చివరకు పోలీసులు కేసు నమోదు చేసి దర్యాప్తు చేయగా అసలు విషయం వెలుగులోకి వచ్చింది.

ఉత్తర్‌ ప్రదేశ్‌లోని మీరట్‌కు చెందిన 13ఏళ్ల బాలుడు మెయిల్‌ పంపినట్లు గుర్తించారు. ఆ బాలుడు బాంబు థ్రెట్‌ మెయిల్ పంపేందుకు ఫేక్‌ మెయిల్‌ క్రియేట్‌ చేశాడని పోలీసులు తెలిపారు. మెయిల్‌ పంపిన తర్వాత అతను అకౌంట్‌ను కూడా డెలిట్ చేశారని చెప్పారు పోలీసులు. కాగా.. బాలుడిని కనిపెట్టి ప్రశ్నించగా.. ఈ విషయాలు బయటపడ్డాయన్నారు. సరదా కోసమే బాంబు బెదిరింపు మెయిల్ చేశారనని బాలుడు ఒప్పుకున్నట్లు పోలీసులు చెప్పాడు. టీవీ వార్తల్లో తాను ఇలాంటి న్యూస్ చేసి చేశారనని చెప్పడంతో పోలీసులు కంగు తిన్నారు.