భార‌త్‌లో క‌రోనా సెకండ్ వేవ్ విజృంభిస్తోంది. దీంతో గ‌త కొద్ది రోజులుగా రికార్డు స్థాయిలో పాజిటివ్ కేసులు న‌మోదు అవుతున్నాయి. ఈ మ‌హ‌మ్మారిని త‌రిమికొట్టేందుకు కేంద్ర ప్ర‌భుత్వం దేశ వ్యాప్తంగా వ్యాక్సినేష‌న్ కార్య‌క్ర‌మం చేప‌ట్టిన సంగ‌తి తెలిసిందే. ఇప్ప‌టి వ‌ర‌కు 45 ఏళ్ల‌కు పై బ‌డిన వ్య‌క్తుల‌ను వ్యాక్సిన్ అందిస్తూ వ‌స్తున్నారు. మే 1 నుంచి 18 ఏళ్లు నిండిన వారికి వ్యాక్సిన్ అందించే కార్య‌క్ర‌మం ప్రారంభం కాబోతున్న‌ది. దీనికి సంబంధించిన రిజిస్ట్రేష‌న్ ప్ర‌క్రియ నేటి నుంచి ప్రారంభం కానుంది. ఆరోగ్యసేతు, కోవిన్ యాప్ ద్వారా వ్యాక్సినేషన్ కోసం రిజిస్ట్రేషన్ చేసుకోవాలి. ఈరోజు సాయంత్రం 4 గంటల నుంచి రిజిస్ట్రేషన్ ప్రక్రియ ప్రారంభం అవుతుంది. కాగా.. ఈ వ్యాక్సిన్ ను కేంద్ర రాష్ట్ర ప్రభుత్వాల ఆసుపత్రుల్లోనే కాకుండా ప్రైవేట్ ఆసుపత్రుల్లో కూడా వ్యాక్సిన్ అందించబోతున్నారు. ఇప్పటికే అనేక రాష్ట్రాలు వ్యాక్సిన్ ఫ్రీ అని ప్రకటించిన సంగ‌తి తెలిసిందే.

ఫేజ్-3లో భాగంగా కోవిడ్-19 వ్యాక్సిన్ కొరకు 18ఏళ్లకు పైబడినవారు నమోదు చేసుకునే విధానం :

1. వ్యాక్సిన్ కోసం అధికారిక వెబ్ సైట్ www.cowin.gov.in లో పేరు నమోదు చేసుకోవచ్చు.

2. కొవిన్‌ వెబ్‌సైట్‌లోకి వెళ్లిన తర్వాత అందులో Register/ Sign in yourself అనే బటన్‌ ఉంటుంది.

3. దాన్ని క్లిక్‌ చేసి 10 అంకెల మొబైల్‌ నంబరు లేదా ఆధార్ నంబర్ ఎంటర్ చేయాలి.

4. అనంతరం మన ఫోన్‌కు ఒక ఓటీపీ వస్తుంది. వచ్చిన ఓటీపీని అక్కడ ఎంటర్ చేయాలి.

5. మీరు మీ పేరు నమోదులో భాగంగా మీ పేరు, వయసు, పుట్టినతేదీ వంటి వివరాలు ఎంటర్‌ చేయాలి. దీంతో పాటు ఏదో ఒక ధ్రువీకరణ పత్రం (డ్రైవింగ్‌ లైసెన్స్‌, పాన్‌కార్డు, ఓటరు కార్డు, ఆధార్‌ కార్డు, పాస్‌పోర్టు తదితర) ఎంచుకుని దాన్ని అప్‌లోడ్‌ చేయాల్సి ఉంటుంది.

6. ఆ తర్వాత, మీ అపాయింట్‌మెంట్‌, కావలసిన తేదీ మరియు సమయాన్ని షెడ్యూల్ చేయండి.

7. కోవిడ్ వ్యాక్సిన్ మొదటి డోసు పూర్తి చేసుకున్న అనంతరం మీకు ఒక రెఫరెన్స్ ఐడి వస్తుంది. దాని ఆధారంగా మీరు కోవిడ్ వాక్సిన్ సర్టిఫికెట్ పొందవచ్చు.

8. అక్కడే కోవిడ్ వ్యాక్సినేషన్ పూర్తియినట్టు ధృవీకరించే సర్ఠిఫికెట్ ను డౌన్లోడ్ చేసుకోవచ్చు.

9. గూగుల్ మ్యాప్స్ ద్వారా మీకు దగ్గర్లోని కోవిడ్ వ్యాక్సిన్ సెంటర్ గురించి తెలుసుకోవచ్చు.

10. ఫేజ్-3 కోవిడ్ వ్యాక్సినేషన్ కోసం కోసం రిజిస్ట్రేషన్ చేసుకోవడానికి ఈ కింద ఇవ్వబడిన ధృవీకరణ పత్రాలు అవసరం అవుతాయి

* ఆధార్ కార్డు

* పాన్ కార్డు

* ఓటర్ ఐడి

* డ్రైవింగ్ లైసెన్స్

* హెల్త్ ఇన్సూరెన్స్ స్మార్ట్ కార్డ్, కేంద్ర కార్మికశాఖ ఆధ్వర్యంలోని మహాత్మాగాంధీ నేషనల్ రూరల్ ఎంప్లాయిమెంట్ గ్యారెంటీ యాక్ట్ జాబ్ కార్డు

* ఎంపి, ఎమ్మెల్యే, ఎమ్మెల్సీల అధికారిక ఐడీ కార్డులు

* పాస్ పోర్టు

* బ్యాంకు/పోస్టాఫీసులు జారీ చేసిన పాస్ బుక్స్

* పెన్షన్ డాక్యుమెంట్ * రాష్ట్ర, కేంద్ర ప్రభుత్వాలు ఉద్యోగులకు జారీ చేసిన ఐడీ కార్డులు

* ప్రభుత్వ, పబ్లిక్ లిమిటెట్ కంపెనీలు జారీ చేసిన ఐడీకార్డులు

మరికొన్ని ముఖ్యమైన విషయాలు :

* టీకా కేంద్రాల్లో ఉదయం 9 నుంచి మధ్యాహ్నం 3 గంటల వరకు వ్యాక్సిన్‌ ఇస్తారు.

* తొలి డోసు తీసుకున్న 28 రోజుల తర్వాత రెండో డోసు తీసుకోవాలి. మొదటి డోసు తీసుకున్నప్పుడే రెండో డోసు ఎప్పుడు తీసుకోవాలో తెలుస్తుంది.

* రెండో డోసు తీసుకోవడం ద్వారా కొవిడ్‌ టీకా పొందినట్లుగా ధ్రువపత్రాన్ని డౌన్‌లోడ్‌ చేసుకోవడానికి అవకాశం లభిస్తుంది.

* టీకా పొందేప్పుడు నమోదు సమయంలో అప్‌లోడ్‌ చేసిన సంబంధిత ధ్రువపత్రాల ఒరిజినల్స్‌ను వెంట తీసుకెళ్లాలి.

తోట‌ వంశీ కుమార్‌

Next Story