ఏపీలోని గుంటూరులో దారుణ హత్య చోటు చేసుకుంది. షేక్‌ నాగకుమార్‌ అనే యువకుడి తలపై రోకలిబండతో మోది అతికిరాతకంగా హత్య చేయడం సంచలనం సృష్టించింది. నగరంలోని పట్టాభిపురం భాగ్యనగర్‌లో ఈ దారుణ ఘటన చోటు చేసుకుంది. వివాహేతర సంబంధం కారణంగానే ఈ హత్య జరిగినట్లు తెలుస్తోంది.

అక్రమ సంబంధం పెట్టుకున్నాడనే కారణంగా మంగరాజు, పుల్లయ్య అనే ఇద్దరు వ్యక్తులు నాగకుమార్‌పై దాడి చేసి చంపేసినట్లు సమాచారం. వెంటనే స్థానికులు పోలీసులకు సమాచారం అందించడంతో పోలీసులు ఘటన స్థలానికి చేరుకుని పరిశీలించారు. మృతదేహాన్ని పోస్టుమార్టం నిమిత్తం గుంటూరు ప్రభుత్వ ఆస్పత్రికి తరలించారు. పూర్తి వివరాలు తెలియాల్సి ఉంది.

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.