యువతి కొంపముంచిన న్యూడ్ వీడియో చాట్

ఇద్దరు ప్రేమ పక్షులు..ఒకరి సీక్రెట్లు ఒకరికి తెలుసు. రోజంతా సెల్ఫోన్లో ముచ్చట్లు. అదీ చాలక న్యూడ్ వీడియో ఛాటింగ్. ఇప్పుడిదే ఓ యువతి కొంప ముంచింది. వీడియో కాల్ చేసిన ప్రియుడు..తనకు న్యూడ్ గా కనిపించాలని కోరడంతో..ఎలాగూ పెళ్లి చేసుకుంటాడనుకున్న ఆమె సరేనని..న్యూడ్ వీడియో చాట్ చేసింది. దానిని తన మొబైల్ లో సేవ్ చేసుకున్న ఆ యువకుడు ఆమెను బెదిరిస్తున్నాడు. చేసేది లేక యువతి పోలీసులను ఆశ్రయించింది.

చిత్తూరు జిల్లా పుంగనూరుకు చెందిన యువతి, రామకుప్పం మండలం నంద్యాలకు చెందిన జగధీష్ (25) కొన్నాళ్లుగా ప్రేమించుకుంటున్నారు. ఏకాంతంగా ఉన్నప్పుడు వీడియోలు, ఫొటోలు తీసుకున్నారు. ఓ రోజు వీడియో కాల్ మాట్లాడుతున్న సమయంలో ప్రియుడి కోరిక మేరకు ఆమె న్యూడ్ ఛాట్ చేసింది. కూతురి ప్రేమ గురించి తెలుసుకున్న తల్లిదండ్రులు జగదీష్‌ గురించి ఆరా తీయగా మోసగాడని తేలింది. ఈ విషయాన్ని మామూలుగా చెప్తే కూతురు వినదని గ్రహించిన తల్లిదండ్రులు..సాక్ష్యాలతో సహా నిరూపించడంతో జగధీష్ ను దూరం పెట్టింది.

తనను ప్రేయసి దూరం పెట్టడంతో భరించలేకపోయిన జగధీష్ యువతిని వేధించడం మొదలుపెట్టాడు. తనతో మాట్లాడకపోతే తన వద్దున్న న్యూడ్ వీడియో ఛాటింగ్ ను సోషల్ మీడియాలో పెడతానని బెదిరించడంతో యువతి పోలీసులను ఆశ్రయించింది. ఆమె ఫిర్యాదు మేరకు కేసు నమోదు చేసుకుని, నిందితుడిని అరెస్ట్ చేసి రిమాండ్ కు తరలించారు.