'మనాలి' వెళ్తున్నారా..? అయితే ఈ సీక్రెట్‌ ప్రదేశాలు తప్పక చూడండి.!

భారత్‌లో అత్యంత అందమైన పర్యాటక ప్రదేశాల్లో మనాలి ఒకటి. ఈ పట్టణాన్ని సందర్శించేందుకు పర్యాటకులు క్యూ కడుతుంటారు. మనాలి అనేది హిమాచల్ ప్రదేశ్‌లో ఉన్న ఒక చిన్న పట్టణం. ఇది దట్టమైన అడవులు, నదులతో చుట్టుముట్టబడి ఉంది. మనాలి చుట్టూ చాలా అందమైన ప్రదేశాలు ఉన్నాయి. అయితే మనాలి చుట్టుపక్కల చూడదగిన అనేక ప్రదేశాలు ఉన్నాయని .. చాలా మందికి తెలియదు. ఈ ప్రదేశాలను మనాలి రహస్య ప్రదేశాలు అని కూడా పిలవొచ్చు. ప్రతి సంవత్సరం మనాలిని సందర్శించే వారు చాలా మంది ఉన్నారు. మీరు కూడా అలాంటి వ్యక్తులలో ఒకరైతే, ఈ రోజు మనం మనాలిలో చాలా సైలెంట్‌గా ఉండే ఆ రహస్య ప్రదేశాల గురించి మీకు చెప్పబోతున్నాము.

పాట్లీకుహల్- పాట్లీకుహల్ చాలా అందమైన పర్యాటక ప్రదేశం. పాట్లీకుహల్ అన్ని ఇతర పర్యాటక ప్రదేశాల కంటే తక్కువ ప్రజాదరణ పొందినప్పటికీ, ఇక్కడికి పెద్ద సంఖ్యలో పర్యాటకులు వస్తుంటారు. మనాలి నుండి పాట్లీకుహల్ చేరుకోవడానికి 27 నిమిషాలు పడుతుంది. ఇది హిమాచల్ ప్రదేశ్‌లోని ఆఫ్‌బీట్ ప్రదేశాలలో ఒకటి.

మలానా- మనాలి నుండి మలానాకు దూరం కేవలం 2 నుండి 2.30 గంటలు. ఈ గ్రామం భారతీయులతో పాటు విదేశీయుల మొదటి ఎంపిక. ఇక్కడ మీరు రాతి, చెక్కతో చేసిన అనేక అందమైన దేవాలయాలను కూడా చూడవచ్చు.

తానేదార్ - తానేదార్ హిమాచల్ నుండి 196 కిలోమీటర్ల దూరంలో ఉంది. మనాలి నుండి ఇక్కడికి చేరుకోవడానికి దాదాపు 3 గంటల 40 నిమిషాలు పడుతుంది. తానేదార్‌లో ఎక్కువ మొత్తంలో యాపిల్స్ పండిస్తారు. యాపిల్స్ ఇక్కడి నుంచి ఎక్కువగా ఎగుమతి చేయబడతాయి. ఇక్కడ యాపిల్‌తో పాటు చెర్రీస్‌ కూడా ఎక్కువగా పండిస్తారు.

సోయిల్ - హిమాచల్ నుండి 37 నిమిషాల దూరంలో సోయిల్ ఉంది. మీరు మనాలి నుండి సోయిల్‌కి కొద్ది దూరం మాత్రమే కారులో ప్రయాణించవచ్చు. దీని తర్వాత ఇక్కడికి చేరుకోవాలంటే కాలినడకన ప్రయాణించాలి. ఇక్కడ ఎత్తైన చెట్లు, స్వచ్ఛమైన వాతావరణం మీ హృదయాన్ని గెలుచుకుంటాయి. ఈ ప్రదేశం క్యాంపింగ్ ప్రేమికులకు స్వర్గం కంటే తక్కువ కాదు.

సజ్లా - సజ్లా మనాలి నుండి 28 నిమిషాల దూరంలో ఉన్న ఒక అందమైన గ్రామం. ఈ గ్రామం అందమైన జలపాతాలు, విష్ణు దేవాలయానికి ప్రసిద్ధి చెందింది. మనాలి నుండి సజ్లా చేరుకోవడానికి మీరు ట్రెక్కింగ్ చేయాలి. ఈ గ్రామానికి చేరుకోవాలంటే అరణ్యాల గుండా వెళ్లాలి, ఇది భిన్నమైన అనుభూతి.