ముంబైలో ఘోర రోడ్డు ప్రమాదం.. ఐదుగురు మృతి

ముఖ్యాంశాలు

  • మహారాష్ట్రలో ఘోర రోడ్డు ప్రమాదం
  • ఐదుగురు మృతి, మరికొందరికి గాయాలు
  • క్షతగాత్రులను స్థానిక ఆస్పత్రికి తరలింపు

మహారాష్ట్రలో ఘోర రోడ్డు ప్రమాదం సంభవించింది. పూణె- ముంబై హైవేపై ఓ ట్రక్కు అదుపు తప్పింది. ఈ ప్రమాదంలో ట్రక్కు మూడు బైక్‌లపైకి దూసుకెళ్లింది. రాయ్‌గడ్‌ జిల్లాలో జరిగిన ఈ ఘటనలో మొత్తం ఐదుగురు మృతి చెందారు. మరి కొంత మందికి గాయాలు అయ్యాయి. విషయం తెలుసుకున్న పోలీసులు ఘటనా స్థలాన్ని పరిశీలించారు. క్షతగాత్రులను వెంటనే స్థానిక ఆస్పత్రికి తరలించారు. గాయాలైన వారికి వైద్యులు ప్రస్తుతం చికిత్స అందిస్తున్నారు. ట్రక్కు అతి వేగమే ఈ ప్రమాదానికి గల కారణంగా పోలీసులు భావిస్తున్నారు. అదుపు తప్పి బోల్తా కొట్టిన ట్రక్కు తుక్కు తుక్కు అయ్యింది. ఘటన జరిగిన ట్రక్కు అక్కడి నుంచి పరారు అయ్యాడు. ఈ ఘటనపై పోలీసులు కేసు నమోదు చేసుకున్నారు. నిందితుడి కోసం పోలీసులు గాలిస్తున్నారు.

అంజి గోనె

నా పేరు గోనె. అంజి. న్యూస్‌మీటర్‌ తెలుగులో జర్నలిస్టుగా పని చేస్తున్నాను. గతంలో 99టీవీలో క్షేత్రస్థాయి అధ్యయనం చేశాను. మోజో టీవీలో సంవత్సరం పాటు జర్నలిస్టుగా పనిచేశాను. కలం నా బలం, సమస్యలే నా గళం. జర్నలిజం పట్ల ఇష్టంతో నేను ఈ వృత్తిని ఎంచుకున్నాను.