త్రిష ప్లేస్‌లో కాజల్‌ బ్యూటీ..!

మెగాస్టార్ చిరంజీవి నటిస్తున్న ‘ఆచార్య’ మూవీ నుంచి హీరోయిన్‌ త్రిష తప్పుకున్న విషయం తెలిసిందే. క్రియేటివ్‌ డిఫరెన్స్‌ స్‌ కారణంగా ఈ సినిమా నుంచి తప్పుకున్నట్లు త్రిష సోషల్‌ మీడియా ద్వారా వెల్లడించారు. పాత్ర విషయంలో సంతృప్తి లేకపోవడంతోనే ఆమె మూవీ నుంచి తప్పుకొన్నట్లు తెలుస్తోంది. ఈ సినిమా నుంచి త్రిష తప్పుకోవడంతో ఇప్పుడు మరో హీరోయిన్‌ను సంప్రదించే పనిలో పడింది చిత్రయూనిట్‌. ఈ క్రమంలో మూవీ నిర్మాతలు కాజల్‌ను కలిశారట. ఆమెతో సంప్రదింపులు జరపడంతో నటించేందుకు అంగీకరించినట్లు సినీ ఇండస్ట్రీలో టాక్‌ వినిపిస్తోంది. అంతేకాదు ఈ నెలాఖరులో కాజల్‌ ఆచార్య సెట్‌లోకి ఎంట్రీ ఇవ్వనుందని సమాచారం. కాగా, త్వరలో అధికారికంగా ప్రకటన చేయనుంది చిత్ర యూనిట్‌.

దాదాపు పదేళ్ల తర్వాత మెగాస్టార్‌ రీ ఎంట్రీ ఇచ్చిన ఖైదీ నంబర్‌.150లో కాజల్‌ నటించిన విషయం తెలిసిందే. ఈ సినిమా సూపర్‌ హిట్‌ కాగా, అదే సెంటిమెంట్‌తో మరోసారి కాజల్‌ను సంప్రదించినట్లు తెలుస్తోంది. ఒకవేళ ఇదే నిజమేతే కాజల్‌కు మరోసారి బంపరాఫర్‌ వచ్చినట్లే. ఇక ఈ సినిమాలో మరో కీలక పాత్రగా రామ్‌ చరణ్‌ నటిస్తుండగా, మహేష్‌ బాబు కూడా నటిస్తున్నారనే వార్తలు ఇటీవల ఇండస్ట్రీలో గుప్పుమన్నాయి. కాగా, కొనిదెల ప్రొడక్షన్స్‌, మ్యాట్నీ ఎంటర్‌టైన్‌మెంట్‌ సంయుక్తంగా నిర్మిస్తోన్న ఈ చిత్రానికి మణిశర్మ సంగీతం అందిస్తున్నారు. ఆగస్టు నెలలో ఈ మూవీ ప్రేక్షకుల ముందుకు  రావాలని దర్శకుడు కొరటాల భావిస్తున్నారు.

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.

Leave a Reply

Your email address will not be published. Required fields are marked *