మాజీ మంత్రి, కాంగ్రెస్‌ పార్టీ సీరియర్‌ నేత జువ్వాడి రత్నాక్‌రావు కన్నుమూశారు. గత కొంత కాలంగా అనారోగ్యంతో బాధపడుతున్న ఆయన కరీంనగర్‌లోని ఓ ఆస్పత్రిలో చికిత్స పొందుతున్నాడు. ఆరోగ్య పరిస్థితి విషమించడంతో ఆదివారం మరణించారు. మూడుసార్లు బుగ్గారం ఎమ్మెల్యేగా గెలుపొందిన రత్నాకర్‌రావు.. ఉమ్మడి ఆంధ్రప్రదేశ్‌లో దేవాదాయశాఖ మంత్రిగా పని చేశారు. జగిత్యాల జిల్లా ధర్మపురి మండలం తిమ్మాపూర్‌లో ఆయన అంత్యక్రియలు నిర్వహించనున్నారు.

రాజకీయ ప్రస్థానం:
రత్నాకర్‌రావు తిమ్మాపూర్‌ సర్పంచ్‌గా రాజకీయ ప్రస్థానం ప్రారంభించారు.1982లో జగిత్యాల పంచాయతీ సమితి అధ్యక్షుడిగా పని చేశారు. 1982లో జరిగిన ఎన్నికల్లో జగిత్యాల ఎమ్మెల్యే స్థానానికి ఓటమిపాలయ్యాడు. 1989లో పార్టీ టికెట్‌ నిరాకరించడంతో స్వతంత్ర అభ్యర్థిగా పోటీ చేసి బుగ్గారం నుంచి మొదటిసారిగా విజయం సాధించారు. 1994లో ఓటమి పాలై, 1999,2004లో బుగ్గారం ఎమ్మెల్యేగా గెలుపొందారు. 2009, 2010లో కోరుట్ల నుంచి పోటీ చేసి మళ్లీ ఓటమి పాలయ్యారు. అప్పటి నుంచి రాజకీయాలక దూరంగా ఉంటూ వస్తున్నారు.

 

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.

Leave a Reply

Your email address will not be published. Required fields are marked *