మీకు సొంతిల్లు ఉందా..? అద్దె ఇంట్లో ఉంటున్నారా..ఇలా 34 ప్రశ్నలకు సమాధానాలు చెప్పాల్సిందే

మీకు సొంత ఇల్లు ఉందా..లేదా అద్దె ఇంట్లో నివసిస్తున్నారా..? లేక మీ ఇంట్లో ఎంత మంది ఉన్నారు..? ఇంట్లో ఎంత మందికి బ్యాంకు ఖాతాలు, భూములు ఉన్నాయి .. అనే మొత్తం 34 ప్రశ్నలకు సమాధానం చెప్పేందుకు రెడీగా ఉండండి. ఎందుకంటే 2020 ఏప్రిల్‌ 1వ తేదీ నుంచి సెప్టెంబర్‌ లోగా జనగణన చేపట్టనుంది కేంద్ర సర్కార్‌. ప్రతి కుటుంబం నుంచి పూర్తి వివరాలు సేకరించేందుకు సిద్దమవుతోంది జనగణన శాఖ. జనగనణలో భాగంగా మీరు నిర్మించిన ఇండ్లు, అందులో ఎంత మంది నివసిస్తున్నారు. ఏ గదిని ఎందుకోసం వాడుతున్నారు..? ఇలాంటి ప్రశ్నలు మీకు సంధించనున్నారు అధికారులు. మీరు చెప్పే వివరాలే ప్రభుత్వ పథకాల అమలుకు ఉపయోగపడనున్నాయి.

ఇలా మీ ఇంటికి వచ్చిన అధికారులు ఇలాంటి ప్రశ్నలు వేస్తారు. వాటికి సమాధానాలు చెప్పేందుకు రెడీగా ఉండండి. మీరు చెప్పే సమాధానాల మీదే మీకు ప్రభుత్వ పథకాలు అమలుకు కీలకంగా మారనున్నాయి.