భారతీయుడిని కాల్చి చంపిన జోర్డాన్‌ భద్రతా సిబ్బంది

జోర్డాన్ సరిహద్దును దాటి వేరే దేశంలోకి అక్రమంగా ప్రవేశించడానికి ప్రయత్నించిన ఒక భారతీయుడిని జోర్డాన్ భద్రతా సిబ్బంది కాల్చి చంపారు.

By అంజి  Published on  3 March 2025 7:27 AM IST
Indian national killed, illegal cross border, Jordan

భారతీయుడిని కాల్చి చంపిన జోర్డాన్‌ భద్రతా సిబ్బంది

జోర్డాన్ సరిహద్దును దాటి వేరే దేశంలోకి అక్రమంగా ప్రవేశించడానికి ప్రయత్నించిన ఒక భారతీయుడిని జోర్డాన్ భద్రతా సిబ్బంది కాల్చి చంపారని విదేశాంగ మంత్రిత్వ శాఖ (MEA) వర్గాలు ఆదివారం తెలిపాయి. జోర్డాన్‌లోని భారత రాయబార కార్యాలయం స్థానిక అధికారులతో సంప్రదింపులు జరుపుతోందని, ఈ విషయంపై తదుపరి చర్యలు తీసుకుంటోందని వారు తెలిపారు. బాధితుడి కుటుంబానికి మరణం గురించి తెలియజేశామని, సాధ్యమైనంతవరకు కాన్సులర్ సహాయం అందిస్తున్నామని MEA వర్గాలు తెలిపాయి.

ఎక్స్‌ పోస్ట్‌లో, జోర్డాన్‌లోని భారత రాయబార కార్యాలయం బాధితుడి కుటుంబంతో సంప్రదింపులు జరుపుతున్నామని, అతని మృత దేహాన్ని స్వదేశానికి పంపడానికి జోర్డాన్ అధికారులతో కలిసి పనిచేస్తున్నామని తెలిపింది. "దురదృష్టవశాత్తు ఒక భారతీయ పౌరుడు మరణించాడని రాయబార కార్యాలయం తెలుసుకుంది. మృతుడి కుటుంబంతో రాయబార కార్యాలయం సంప్రదింపులు జరుపుతోంది. మృతుడి మృతదేహాన్ని భారత్‌ పంపేందుకు జోర్డాన్ అధికారులతో కలిసి పనిచేస్తోంది" అని అది తెలిపింది. మరిన్ని వివరాలు తెలియాల్సి ఉంది.

Next Story