ఫ్రాన్స్‌తో భారత్ రూ.63 వేల కోట్ల మెగా డీల్..!
ఫ్రాన్స్ నుంచి 26 రాఫెల్ మెరైన్‌ ఫైటర్ ఎయిర్‌క్రాఫ్ట్‌లను కొనుగోలు చేసేందుకు భారీ ఒప్పందానికి భారత్ ఆమోదం తెలిపింది.
By Medi Samrat
ఫ్రాన్స్ నుంచి 26 రాఫెల్ మెరైన్‌ ఫైటర్ ఎయిర్‌క్రాఫ్ట్‌లను కొనుగోలు చేసేందుకు భారీ ఒప్పందానికి భారత్ ఆమోదం తెలిపింది. 63,000 కోట్లకు పైగా విలువైన ఈ ప్రభుత్వ ఒప్పందాల‌పై త్వరలో సంతకాలు జ‌రుగ‌నున్నాయి.
ఈ ఒప్పందం ప్రకారం.. భారత నావికాదళం 22 సింగిల్-సీటర్ మరియు నాలుగు ట్విన్-సీటర్ విమానాలను పొంద‌నుంది. ప్రభుత్వ వర్గాలను ఉటంకిస్తూ.. ఏఎన్ఐ వార్తా సంస్థ ఈ విషయాన్ని వెల్లడించింది.
మూలాల ప్రకారం.. ఫ్రాన్స్ నుండి 26 రాఫెల్ M ఫైటర్ జెట్లను కొనుగోలు చేయడానికి ప్రతిపాదించిన ఒప్పందం ఈ నెలలో ప్రధాని నేతృత్వంలోని కేబినెట్ కమిటీ నుండి ఆమోదం పొందిన తర్వాత తుది రూపానికి చేరుకునే అవకాశం ఉంది.
ఒప్పందం కుదిరిన దాదాపు ఐదేళ్ల తర్వాత రాఫెల్ ఎమ్ జెట్‌ల డెలివరీలు ప్రారంభమవుతాయని భావిస్తున్నారు. విమానం డెలివరీ 2029 చివరిలో ప్రారంభమవుతుంది. 2031 నాటికి భారతదేశం మొత్తం సరుకును పొందుతుంది. ఈ రైఫిల్-ఎమ్ విమానాలు ఐఎన్ఎస్ విక్రాంత్ మరియు ఐఎన్ఎస్ విక్రమాదిత్య వంటి విమాన వాహక నౌకల నుండి నడపబడతాయి. రెండు నౌకాదళ నౌకలు MiG-29K యుద్ధ విమానంతో తమ మిషన్లను నిర్వహిస్తాయి.
ఈ యుద్ధ విమానాలు భారత్ యొక్క మొట్టమొదటి స్వదేశీ విమాన వాహక నౌక INS విక్రాంత్‌లో మోహరించబడతాయి. నావికాదళం యొక్క ప్రస్తుత MiG-29K ఫ్లీట్‌ను పూర్తి చేస్తాయి. భారత వైమానిక దళం (IAF) ఇప్పటికే అంబాలా, హషిమారాలోని తన స్థావరాలలో 36 రాఫెల్ జెట్లను నడుపుతోంది.
