Congo: ఉగ్రవాదుల దాడి.. 22 మంది పౌరులు మృతి
కాంగోలో శనివారం రాత్రి జరిగిన దాడులలో అనుమానిత ఉగ్రవాదులు కనీసం 22 మందిని చంపినట్లు అధికారులు ఆదివారం తెలిపారు.
By అంజి Published on 20 March 2023 9:30 AM IST
Congo: ఉగ్రవాదుల దాడి.. 22 మంది మృతి
డెమొక్రాటిక్ రిపబ్లిక్ ఆఫ్ కాంగో దేశంలో ఉగ్రవాదులు బీభత్సం సృష్టించారు. దేశంలోని ఈస్ట్‌ ఇటూరి, నార్త్ కివు ప్రావిన్స్‌లలో శనివారం రాత్రి జరిగిన దాడులలో అనుమానిత ఉగ్రవాదులు కనీసం 22 మందిని చంపినట్లు అధికారులు ఆదివారం తెలిపారు. మరో ముగ్గురిని కిడ్నాప్‌ చేశారని సమాచారం. ఐక్యరాజ్య సమితి పరిరక్షక దళం, కాంగో దేశ సైన్యం.. తూర్పు కాంగోలో శాంతిని నెలకొల్పేందుకు ప్రయత్నాలు చేస్తోంది. అయినా తూర్పు కాంగోను సంవత్సరాలుగా పీడిస్తున్న నిరంతర హింస ప్రవాహంలో ఈ సంఘటనలు తాజావి.
ఇటూరి ప్రావిన్స్‌లోని పలు గ్రామాల్లో ఏకకాలంలో జరిగిన దాడుల్లో శనివారం కనీసం 12 మంది చనిపోయారు. దట్టమైన అటవీ ప్రాంతాన్ని అస్థిరపరిచిన అనేక మిలీషియాలలో ఒకటైన కోడెకో గ్రూపే ఈ దారుణానికి పాల్పడిందని స్థానిక అధికారులు, పౌర సమాజ నాయకులు ఆరోపించారు. అడవుల్లో దాక్కొన్ని అవకాశం దొరికినప్పుడు గ్రామాలపై ఈ మిలిటెంట్‌ గ్రూప్‌ దాడి చేస్తూ ఉంటుంది. నార్త్ కివు ప్రావిన్సులో కూడా కోడెకో గ్రూప్‌ వరుస దాడులకు పాల్పడింది. ఈ గ్రూప్‌ బలహీన వర్గాల ప్రజలను ఊచకోత కోస్తోంది.
"శాంతియుత జీవనం కోసం అనేక విజ్ఞప్తులు చేసినప్పటికీ.. కోడెకో మిలీషియా దుర్బలమైన వారిని ఊచకోత కోస్తూనే ఉంది" అని కొన్ని గ్రామాలు ఉన్న మహగి భూభాగాన్ని పరిపాలిస్తున్న కల్నల్ జాక్వెస్ డిసనోవా టెలిఫోన్ ద్వారా మీడియాకు చెప్పారు. నార్త్ కివ్‌లోని లుబెరో రీజియన్‌ అడ్మినిస్ట్రేటర్‌ కల్నల్ అలైన్‌ కివేవా మాట్లాడుతూ.. మిలిటెంట్లు నార్త్ కివు యొక్క మౌంట్ క్యావిరిము, బేస్ వద్ద ఉన్న న్గులి గ్రామంలో రాత్రి తర్వాత 10 మందిని చంపి, మరో ముగ్గురిని అపహరించారు. దేశంలోని విస్తారమైన ఖనిజాలు అధికంగా ఉన్న తూర్పు ప్రాంతంలో మిలీషియా హింసను అరికట్టడానికి కాంగో ప్రభుత్వం ప్రయత్నించింది. కానీ హత్యలు, తిరుగుబాటు కార్యకలాపాలు తగ్గుముఖం పట్టే సూచనలు కనిపించడం లేదు.
