ఆస్ట్రేలియా రికార్డు బద్దలు కొట్టిన టీమిండియా.!
By Medi Samrat Published on 8 Nov 2019 6:43 AM GMTముఖ్యాంశాలు
- పొట్టి ఫార్మట్లో చేజింగ్ లో అత్యధిక విజయాలు
- గతంలో ఆస్ట్రేలియా పేరిట రికార్డ్
టీమిండియా టీ20ల్లో ప్రపంచ రికార్డు సృష్టించింది. ఆస్ట్రేలియా పేరిట ఉన్న రికార్డును బద్దలు కొట్టింది. బంగ్లాదేశ్తో గురువారం జరిగిన రెండో టీ20 మ్యాచ్లో టీమిండియా 8 వికెట్ల తేడాతో ఘన విజయం సాధించిన విషయం తెలిసిందే. అయితే.. టీ20ల్లో ఛేజింగ్లో టీమిండియాకు ఇది 41వ విజయం కావడం విశేషం.
కాగా.. టీమిండియా పొట్టి ఫార్మట్లో 61వ సార్లు ఛేజింగ్కు దిగగా 41 విజయాల్ని అందుకుంది. 40 విజయాలతో ఇంతకుముందు ఈ రికార్డు ఆస్ట్రేలియా పేరిట ఉంది. అయితే ఆసీస్ 69 సార్లు సెకండ్ బ్యాటింగ్ దిగి 40 పర్యాయాలు గెలిచింది. అంటే ఆస్ట్రేలియా కంటే తక్కువ మ్యాచ్ల్లోనే టీమిండియా ఛేజింగ్ రికార్డును తన పేరిట లిఖించుకున్నది.
Next Story