హైదరాబాద్ వాసులకు గుడ్‌న్యూస్..'MyCURE'యాప్‌తో సమస్యలకు చెక్

హైదరాబాద్ నగరవాసుల పౌర సమస్యల పరిష్కారం కోసం జీహెచ్‌ఎంసీ (GHMC) సరికొత్త డిజిటల్ ప్లాట్‌ఫామ్ 'My CURE'ను అందుబాటులోకి తెచ్చింది. గతంలో ఉన్న 'MyGHMC' యాప్ స్థానంలో పారదర్శకత, వేగవంతమైన సేవల కోసం ఈ కొత్త అప్లికేషన్‌ను రూపొందించారు. నగరంలో రోడ్లు, డ్రైనేజీ, వీధి దీపాలు వంటి ఏ సమస్య ఉన్నా పౌరులు నేరుగా ఈ యాప్ ద్వారా ఫిర్యాదు చేయవచ్చు. ఈ ప్లాట్‌ఫామ్ ప్రత్యేకత ఏంటంటే, ఫిర్యాదు చేసిన తర్వాత దాని స్థితిని (Status) రియల్ టైమ్‌లో ట్రాక్ చేసే వెసులుబాటు ఉంటుంది.

అన్ని మున్సిపల్ విభాగాలను ఒకే గొడుగు కిందికి తీసుకురావడం ద్వారా జవాబుదారీతనాన్ని పెంచాలని అధికారులు లక్ష్యంగా పెట్టుకున్నారు. దీనివల్ల ప్రతిస్పందన సమయం తగ్గి, సమస్యలు త్వరగా పరిష్కారమవుతాయని భావిస్తున్నారు. ఆండ్రాయిడ్ మరియు ఐఓఎస్ (iOS) వినియోగదారులకు ఈ యాప్ అందుబాటులో ఉంది. పౌరులంతా ఈ డిజిటల్ సేవను వినియోగించుకుని పౌర పాలనలో భాగస్వాములు కావాలని జీహెచ్‌ఎంసీ అధికారులు సూచించారు.