పాపం రాజశేఖర్.. బాగున్నా లాభం ఏముంది ?

రాజశేఖర్ తెలుగు ప్రేక్షుకులకు తన హీరోయిజాన్ని చూపించే ప్రయత్నం బలంగానే చేస్తున్నాడు. మధ్య మధ్యలో ఏ కార్ యాక్సిడెంట్ తోనో వార్తలు నిలిస్తుంటాడు అనుకోండి, అది వేరే విషయం. ఇటీవలే కార్ ప్రమాదం నుండి అదృష్టం కొద్దీ బయటపడ్డాడు. అయితే ప్రస్తుతం తన తరువాత చిత్రాన్ని చాల సీరియస్ గా దృష్టి పెట్టాడట ఈ సీనియర్ హీరో. ‘పూలరంగడు, అహన పెళ్ళంట’ సినిమాల డైరెక్టర్ వీరభద్రం చౌదరి డైరెక్షన్ లో సరికొత్త తరహా జోనర్ లో ఓ ఎమోషనల్ ఫ్యామిలీ డ్రామాలో రాజశేఖర్ నటిస్తున్నాడు.

కాగా ఈ సినిమా షూటింగ్ జనవరి 18న నుండి మొదలుకానుందట. కాగా మొదటి షెడ్యూల్ లో ఈ మూవీలోని కీలకమైన సీన్స్ ను షూట్ చేయనున్నారు. ఎమోషనల్ గా సాగే ఆ సీన్స్ లో రాజశేఖర్ తో పాటు మిగిలిన నటీనటులందరూ కూడా పాల్గొనబోతున్నట్లు తెలుస్తోంది. ముఖ్యంగా రాజశేఖర్ పాత్రకు మరియు రాజశేఖర్ కూతురు పాత్రకు మధ్య వచ్చే సెంటిమెంట్ చాల బాగుంటుందని.. సినిమాలో ఆ సెంటిమెంట్ హైలైట్ అవ్వబోతుందని తెలుస్తోంది. అన్నట్టు ఈ చిత్రానికి ఇంగ్లీష్ సినిమా ‘టోకెన్’ ప్రేరణ అట. ఆ మూవీలోని మెయిన్ పాయింట్ ఆధారంగానే ఈ చిత్రం స్క్రిప్ట్ రాసుకున్నారట. కానీ ఏం లాభం సినిమా బాగున్నా ఓపెనింగ్స్ రావాలి కదా.

పైగా గరుడవేగ, కల్కి లాంటి చిత్రాలు తర్వాత తన నుండి ఈ సినిమా వస్తుండటంతో సహజంగానే (అసలు అంచనాలు లేకపోయినప్పటికీ) భారీ అంచనాలు ఉంటాయని రాజశేఖర్ ఫీల్ అవుతారనుకోండి. దాంతో ప్రమోషన్స్ కూడా సరిగ్గా ప్లాన్ చెయ్యరు. ఇక డైరెక్టర్ వీరభద్రం చౌదరి ట్రాక్ రికార్డ్, ఆయన గత సినిమా రిజల్ట్ దృష్టిలో పెట్టకుంటే ఈ చిత్రానికి కనీస బిజినెస్ జరుగుతుందా అనేది డౌటే. పాపం రాజశేఖర్ సినిమా బాగున్నా లాభం ఏముంది ?

అంజి గోనె

నా పేరు గోనె. అంజి. న్యూస్‌మీటర్‌ తెలుగులో జర్నలిస్టుగా పని చేస్తున్నాను. గతంలో 99టీవీలో క్షేత్రస్థాయి అధ్యయనం చేశాను. మోజో టీవీలో సంవత్సరం పాటు జర్నలిస్టుగా పనిచేశాను. కలం నా బలం, సమస్యలే నా గళం. జర్నలిజం పట్ల ఇష్టంతో నేను ఈ వృత్తిని ఎంచుకున్నాను.