ఉత్తరప్రదేశ్‌లో జరిగిన ఘటన భయభ్రాంతులకు గురి చేస్తోంది. రాష్ట్రంలోని ఇటా ప్రాంతంలో చోటు చేసుకున్న దారుణం సంచలనంగా మారింది. సింగ్‌నగర్‌ ప్రాంతంలో ఓ ఇంట్లో ఒకే కుటుంబానికి చెందిన ఐదుగురు మృతదేహాలు బయటపడ్డాయి. శనివారం చోటు చేసుకున్న ఈ ఘటనపై సర్వత్రా ఆందోళన వ్యక్తం అవుతోంది. విషయం తెలుసుకున్న పోలీసులు ఘటన స్థలానికి చేరుకుని పరిశీలించారు. మృతదేహాలన్నీ ఒకే గదిలో ఉన్నట్లు గుర్తించారు. వీరిలో దివ్య అనే మహిళతో పాటు మరో నాలుగు మృతదేహాలు ఉండడాన్నిచూసి షాక్‌ గురయ్యారు. మృతుల్లో దివ్యతో పాటు ఆమె సోదరి బుల్‌బుల్‌, ఇద్దరు కుమారులుగా గుర్తించారు.

ఇక ఇంటిలోని రెండో అంతస్తులో దివ్య మామ రాజేశ్వర్‌ పచౌరి మృతదేహం కూడా గుర్తించారు. కాగా, దివ్య మెడపై గాయాలు ఉండగా, ఇతర మృతదేహాల వద్ద పలు మాత్రలు, పురుగుల మందు సీసాలు ఉన్నట్లు పోలీసులు గుర్తించారు. ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు. వీరు ఆత్మహత్యకు పాల్పడ్డారా..? లేక ఎవరైనా హత్య చేశారా? అనే కోణంలో దర్యాప్తు చేపట్టారు.

సుభాష్ గౌడ్

నేను న్యూస్ మీటర్‌లో జర్నలిస్టుగా పని చేస్తున్నాను. గతంలో రిపోర్టర్‌గా, కంటెంట్ రైటర్‌, సబ్ ఎడిటర్‌గా భారత్‌ టుడే న్యూస్‌ ఛానల్‌, సూర్య, ఆంధ్రప్రభ, న్యూస్‌హబ్‌, ఏపీ హెరాల్డ్‌లలో పని చేశాను. జర్నలిజం పట్ల ఇష్టంతో నేను ఈ మార్గాన్ని ఎంచుకున్నాను.