నిజమెంత: యూట్యూబర్ జ్యోతి మల్హోత్రా అలియా భట్, పూజా భట్‌లతో కలిసి కనిపించారా?

హర్యానాలోని హిసార్‌కు చెందిన 33 ఏళ్ల ట్రావెల్ వ్లాగర్ జ్యోతి మల్హోత్రాను మే 17న పాకిస్తాన్ తరపున గూఢచర్యం పాల్పడిందనే ఆరోపణలపై అరెస్టు చేశారు. ఏప్రిల్ 22న పహల్గామ్ ఉగ్రవాద దాడి తర్వాత భారతదేశం, పాకిస్తాన్ మధ్య నాలుగు రోజుల పాటు జరిగిన ఘర్షణ సమయంలో మల్హోత్రా న్యూఢిల్లీలోని పాకిస్తాన్ హైకమిషన్‌లో ఉన్న ఒక పాకిస్తాన్ అధికారితో సంప్రదింపులు జరిపినట్లు తేలింది.

సోఫాపై కూర్చున్న మహిళ జ్యోతి మల్హోత్రా అంటూ బాలీవుడ్ నటి అలియా భట్, ఆమె సోదరి పూజా భట్‌తో కలిసి ఫోటో దిగారని పేర్కొంటూ ఒక చిత్రం సోషల్ మీడియాలో వైరల్ అవుతూ అవుతోంది.

ఒక ఫేస్‌బుక్ వినియోగదారుడు "జ్యోతి మల్హోత్రా అలియా భట్‌తో" అనే శీర్షికతో చిత్రాన్ని పంచుకున్నారు. (ఆర్కైవ్)

పలు సోషల్ మీడియా వినియోగదారులు ఈ ఫోటోను షేర్ చేస్తున్నారు.

నిజ నిర్ధారణ:

వైరల్ అవుతున్న వాదనలో ఎలాంటి నిజం లేదని న్యూస్‌మీటర్ కనుగొంది. ఎందుకంటే చిత్రంలో ఉన్నది జర్నలిస్ట్ రానా అయూబ్.

రివర్స్ ఇమేజ్ సెర్చ్ ద్వారా నవంబర్ 27, 2014న Xలో రానా అయూబ్ పోస్ట్ చేసిన అదే చిత్రం మాకు కనిపించింది. ఆమె ఆలియా భట్, పూజా భట్ తో కలిసి ఉన్న చిత్రాన్ని పోస్టు చేసింది.

ఆ క్లెయిమ్ తప్పు అని నిర్ధారించడానికి రానా అయూబ్, మల్హోత్రా చిత్రాల పోలిక క్రింద ఉంది.

కాబట్టి, జ్యోతి మల్హోత్రా ఆలియా భట్, పూజా భట్ తో కలిసి కనిపించిందనే వాదనలో ఎలాంటి నిజం లేదని మేము నిర్ధారించాము.

Credit: Mahfooz Alam