నిజమెంత: ఇరాన్ నుండి దూసుకొస్తున్న మిసైల్స్ నుండి తప్పించుకోడానికి ఇజ్రాయెల్ ప్రధాని నెతన్యాహు పరిగెత్తుకుంటూ వెళ్లిపోయారా?

మంగళవారం రాత్రి ఇరాన్ ఇజ్రాయెల్‌పై క్షిపణుల వర్షం కురిపించిన తర్వాత మధ్యప్రాచ్యంలో ఉద్రిక్తతలు తీవ్రమయ్యాయి. ఇజ్రాయెల్ ఎదురుదాడి చేస్తుందా? ఇజ్రాయెల్-ఇరాన్ యుద్ధంలో మరిన్ని దేశాలు భాగమవుతాయా అనే ప్రశ్నలు ప్రపంచ దేశాల్లోని ప్రజలను వెంటాడుతూ ఉన్నాయి.

పలువురు ముఖ్య నాయకుల హత్యలకు ప్రతిస్పందనగా, ఇరాన్ ఇజ్రాయెల్‌పై క్షిపణులను ప్రయోగించింది. దేశవ్యాప్తంగా ఎయిర్ రైడ్ అలారాలు మోగడంతో, పౌరులు సురక్షిత ప్రాంతాల్లో ఆశ్రయం పొందేందుకు పరిగెత్తారు.

ఈ సందర్భంలో, ఇరాన్ దాడి నుండి తనను తాను రక్షించుకోవడానికి ఇజ్రాయెల్ ప్రధాన మంత్రి బెంజమిన్ నెతన్యాహు భవనం కారిడార్‌ల మీదుగా బంకర్‌లోకి దూసుకుపోతున్నట్లు సోషల్ మీడియాలో ఓ వీడియో వైరల్ అవుతూ ఉంది.

ఒక X వినియోగదారు వీడియోను పంచుకుంటూ "ఇరానియన్ క్షిపణి దాడి తర్వాత ఇజ్రాయెల్ PM నెతన్యాహు టెల్ అవీవ్‌లోని బంకర్‌ను కనుగొనడానికి పరుగెత్తాడు" అని రాశారు. (ఆర్కైవ్)

నిజ నిర్ధారణ:

వైరల్ వీడియోకు ప్రస్తుతం చోటు చేసుకుంటున్న పరిణామాలతో ఎలాంటి సంబంధం లేదు.

న్యూస్‌మీటర్ క్లెయిమ్ తప్పు అని కనుగొంది. ఈ వీడియో 2021 నాటిది. నెస్సెట్ లోపల ఇజ్రాయెల్ పార్లమెంట్ లో నెతన్యాహు తన ఓటు వేయడానికి పరిగెత్తిన ఘటనకు సంబంధించింది.

కీవర్డ్ సెర్చ్ చేసినప్పుడు, డిసెంబర్ 14, 2021 నాటి నెతన్యాహు X ఖాతాలో మేము అదే వీడియోను కనుగొన్నాము. ఇది Knesset లోపల క్యాప్చర్ చేశారని క్యాప్షన్ తెలిపింది.

మేము హిబ్రూలో కీవర్డ్ శోధనను కూడా నిర్వహించాము. డిసెంబర్ 13, 2021న ఇజ్రాయెల్ వెబ్‌సైట్ Hidabrootలో ప్రచురించిన వీడియోను కూడా మేము కనుగొన్నాము. వెబ్‌సైట్ ప్రకారం, ప్లీనరీలో ఓటు వేయడానికి నెతన్యాహు నెస్సెట్‌లోని తన కార్యాలయం నుండి పరుగెత్తుతున్నారని తెలుసుకున్నాం.

ఇజ్రాయెలీ వెబ్‌సైట్ kikar.co.ilలో మేము డిసెంబర్ 14, 2021న వీడియోకు సంబంధించిన స్క్రీన్‌గ్రాబ్‌ను కథనంలో ఉంచినట్లు కూడా కనుగొన్నాము. పేలుడు పదార్థాల చట్టంపై ఓటింగ్ సందర్భంగా ఓటు వేయడానికి నెతన్యాహు పరిగెత్తినట్లు నివేదిక పేర్కొంది. నెస్సెట్‌లోని తన కార్యాలయంలో ఉన్న నెతన్యాహు, ఓటింగ్‌లో పాల్గొనేలా చూసుకోవడానికి కారిడార్లలో పరుగెత్తారు.

అందువల్ల, మేము వీడియో పాతదని, నెతన్యాహు ఇటీవలి ఇరాన్ క్షిపణి దాడుల నుండి తప్పించుకోడానికి చేసిన ప్రయత్నం కాదని మేము నిర్ధారించాము.

Credit: Md Mahfooz Alam