క‌న్న‌డిగుల ఆగ్ర‌హం.. ట్విట్ట‌ర్‌లో 'బాయ్‌కాట్ ఆర్ఆర్ఆర్ ఇన్ క‌ర్ణాట‌క' ట్రెండ్‌

యంగ్ టైగ‌ర్ ఎన్టీఆర్‌, మెగా ప‌వ‌ర్ స్టార్ రామ్‌చ‌ర‌ణ్‌లు ప్ర‌ధాన పాత్రల్లో న‌టించిన చిత్రం 'ఆర్ఆర్ఆర్ (రౌద్రం ర‌ణం రుధిరం)'. ద‌ర్శ‌దీరుడు రాజ‌మౌళి తెర‌కెక్కించిన ఈ చిత్రంపై అభిమానుల్లో భారీ ఆశ‌లే ఉన్నాయి. అజయ్ దేవ్ గన్, అలియా భట్, ఒలీవియా మోరిస్, సముద్రఖని, శ్రియ తదితరులు కీల‌క పాత్ర‌ల్లో న‌టించారు. అన్ని అవాంత‌రాలు దాటుకుని ప్ర‌పంచ‌వ్యాప్తంగా ఈ నెల 25న ఈ చిత్రం ప్రేక్ష‌కుల ముందుకు రానుంది. ఈ నేప‌థ్యంలో ఇప్ప‌టికే చిత్ర బృందం ప్ర‌మోష‌న‌ల్ కార్య‌క్ర‌మాల్లో వేగం పెంచింది. దేశంలోని ప్ర‌ధాన ప్రాంతాలు అయిన బెంగుళూరు, హైదరాబాద్, దుబాయ్, బరోడా, ఢిల్లీ, జైపూర్, అమృత్‌సర్, కోల్‌కతా, వారణాసిలో చిత్ర‌బృందం ప‌ర్య‌టిస్తూ.. ప్ర‌మోష‌న్స్ చేప‌ట్టింది.

ఇదిలా ఉంటే.. సోష‌ల్ మీడియాలో #BoycottRRRinKarnataka ట్రెండ్ చేస్తున్నారు. తెలుగు, త‌మిళ, హిందీ భాష‌ల్లోనూ విడుద‌ల అవుతున్న ఈ చిత్రం కర్ణాట‌క‌లో కన్నడ భాషలో విడుద‌ల కాక‌పోవ‌డంపై ఆగ్ర‌హాం వ్య‌క్తం చేస్తున్నారు. క‌న్న‌డ బాష‌లో ఈ చిత్రాన్ని విడుద‌ల చేయ‌క‌పోవ‌డం కన్నడిగులను అవమానించడమేనని నెటిజన్లు అంటున్నారు. చిత్ర ద‌ర్శ‌కుడు రాజ‌మౌళిని ట్రోల్ చేస్తూ.. #BoycottRRRinKarnatakaని ట్రెండ్ చేస్తున్నారు. కన్నడ భాషలో అందుబాటులోకి తెస్తే తప్ప ఈ సినిమాను చూసేదే లేదంటూ శపథం పూనుతున్నారు. మ‌రీ ద‌ర్శ‌కుడు రాజ‌మౌళి దీనిపై ఎలా స్పందిస్తారో చూడాలి.