విజ‌య్ దేవ‌ర‌కొండ మూవీకి టైటిల్ ఫిక్స్.. ఫ‌స్ట్ లుక్ విడుద‌ల‌

టాలీవుడ్ యంగ్ హీరో విజ‌య్‌దేవ‌ర‌కొండ‌.. పూరీ జ‌గ‌న్నాథ్ ద‌ర్శ‌క‌త్వంలో ఓ చిత్రంలో న‌టిస్తున్న సంగ‌తి తెలిసిందే. ప‌వ‌ర్‌పుల్ యాక్ష‌న్‌, ల‌వ్ ఎంట‌ర్‌టైన‌ర్ గా తెర‌కెక్కుతున్న ఈ చిత్ర టైటిల్‌ను, ఫ‌స్ట్ లుక్‌ను చిత్ర బృందం నేడు అభిమానుల‌తో పంచుకుంది. ఈ చిత్రానికి 'లైగ‌ర్' అనే టైటిల్‌ను ఖ‌రారు చేశారు. ల‌య‌న్‌(lion)లో li ని టైగ‌ర్(tiger)‌లో ger ని తీసుకుని ఈ చిత్ర టైటిల్‌ను ప్ర‌క‌టించారు. సాలా క్రాస్‌బ్రీడ్‌ అనేది ఉపశీర్షిక.

ఈ సంద‌ర్భంగా విడుద‌ల చేసిన ఫ‌స్ట్ లుక్ కూడా అభిమానుల‌ను ఆక‌ట్టుకుంది. రెండు చేతుల‌కు బాక్సింగ్ గ్లౌజులు తొడుక్కొని విజ‌య్‌దేవ‌ర‌కొండ ఎవ‌రినో కొట్ట‌డానికి చూస్తుండగా.. వెనుక స‌గం సింహం, సగం పులి ఫోటోతో కూడిన ఈ ఫ‌స్ట్ లుక్ అంద‌రిని అల‌రిస్తోంది. కాగా లైగర్‌ అంటే మగ సింహం, ఆడ పులిల సంతానం. ఇవి సింహం, పులి కన్నా చాలా పెద్దగా ఉంటాయి. ఇవి సింహాల్లానే గర్జిస్తాయి

బాక్సింగ్ ప్ర‌ధానాంశంగా రూపుదిద్దుకుంటున్న ఈ సినిమా కోసం విజ‌య్ దేవ‌ర‌కొండ ఇప్ప‌టికే మార్ష‌ల్ ఆర్ట్స్‌లో శిక్ష‌ణ తీసుకున్నారు. విజ‌య్ స‌ర‌స‌న బాలీవుడ్ న‌టి అన‌న్య పాండే నటిస్తోంది. ధ‌ర్మా ప్రొడ‌క్ష‌న్స్‌, పూరీ క‌నెక్ట్స్ సంయుక్తంగా ఈ చిత్రాన్ని నిర్మిస్తున్నాయి.