విషాదం.. ప్రముఖ కమెడియన్‌ కన్నుమూత

ప్రముఖ కన్నడ కమెడియన్‌ ఎంఎస్‌ ఉమేష్‌ కన్నుమూశారు. ఆయన వయస్సు 80 ఏళ్లు. కొంతకాలంగా తీవ్ర అనారోగ్యంతో బాధపడుతున్న ఆయన పరిస్థితి విషమించడంతో ఇవాళ చివరి శ్వాస విడిచారు. 1960లో చైల్డ్‌ ఆర్టిస్టుగా ఇండస్ట్రీలోకి వచ్చిన ఉమేష్‌ ఇప్పటివరకు 350కిపైగా సినిమాల్లో నటించారు. 60 ఏళ్ల పాటు కన్నడ సినీ ఇండస్ట్రీకి సేవలు అందించారు. ఆయన మరణంపై కర్ణాటక డిప్యూటీ సీఎం డీకే శివ కుమార్‌, కేంద్రమంత్రి కుమారస్వామితో పాటు నటీ నటులు నివాళులర్పించారు.

ఉమేష్‌ పూర్తి పేరు.. మైసూర్ శ్రీకాంతయ్య ఉమేష్. క్యాన్సర్‌తో పోరాడుతూ ఆదివారం ఉదయం ఉమేష్‌ తుది శ్వాస విడిచారు. సీనియర్ కన్నడ సినిమా హాస్యనటుడు ఎంఎస్ ఉమేష్ మృతి పట్ల కర్ణాటక ఉప ముఖ్యమంత్రి డికె శివకుమార్ సంతాపం వ్యక్తం చేశారు. 350 కి పైగా సినిమాల్లో నటించిన ఈ ప్రముఖ నటుడు కన్నడ చిత్ర పరిశ్రమకు గణనీయమైన కృషి చేశారు. నాగరహోళె, గురు శిష్యుడు, అనుపమ, కమనబిల్లు, అపూర్వ సంగమం, శృతి సెరిదగ, హాలు జేను, గోల్‌మాల్ రాధాకృష్ణ వంటి చిత్రాలలో ఉమేష్ చిరస్మరణీయమైన నటనకు ప్రసిద్ది చెందారు. ఉమేష్‌ ఆత్మకు శాంతి చేకూరాలని ప్రార్థిస్తూ, వారి కుటుంబ సభ్యులకు డిప్యూటీ సీఎం డీకే తన సానుభూతిని తెలియజేసారు.