అఫీషియల్.. 'వీరసింహా రెడ్డి' ఓటీటీ స్ట్రీమింగ్ డేట్ ఫిక్స్‌

నంద‌మూరి న‌ట సింహం బాల‌కృష్ణ న‌టించిన తాజా చిత్రం 'వీరసింహా రెడ్డి'. గోపిచంద్ మ‌లినేని ద‌ర్శ‌క‌త్వంలో తెర‌కెక్కిన ఈ చిత్రం సంక్రాంతి కానుక‌గా ప్రేక్ష‌కుల ముందుకు వ‌చ్చి ఘ‌న విజ‌యాన్ని సొంతం చేసుకుంది. ఫ్యాక్ష‌న్ బ్యాక్ డ్రాప్‌లో తెర‌కెక్కిన ఈ చిత్రంలో బాల‌య్య స‌ర‌స‌న శృతి హాసన్ న‌టించింది. బాల‌య్య డైలాగ్స్‌కు థియేట‌ర్ల‌లో విజిల్స్ మోత మోగింది.

ఇక ఈ చిత్రం ఎప్పుడెప్పుడు ఓటీటీలోకి వ‌స్తుందా అని ఎదురుచూస్తున్న అభిమానుల‌కు ఇది నిజంగా శుభ‌వార్తే. ఈ చిత్ర ఓటీటీ డేట్ ఫికైంది. డిస్నీ+ హాట్ స్టార్‌లో ఈ చిత్రం స్ట్రీమింగ్ కానుంది. ఇందుకు సంబంధించిన అప్‌డేట్‌ను డిస్నీ+హాట్ స్టార్ విడుద‌ల చేసింది. ఫిబ్ర‌వ‌రి 23 సాయంత్రం 6 గంట‌ల నుంచి ఈ చిత్రాన్ని స్ట్రీమింగ్ చేయ‌నున్న‌ట్లు వెల్ల‌డించింది. దీంతో బాల‌య్య అభిమానుల‌తో పాటు ఓటీటీలో ఎప్పుడెప్పుడు ఈ చిత్రం విడుద‌ల అవుతుందా అని ఎదురుచూస్తున్న వారికి ఫిబ్ర‌వ‌రి 23 నుంచి పండ‌గే.

క‌న్నడ స్టార్ నటుడు దునియా విజయ్ విలన్‌గా న‌టించ‌గా వరలక్ష్మి శరత్ కుమార్, మురళి శర్మలు కీల‌క పాత్ర‌లో న‌టించిన ఈ చిత్రాన్ని మైత్రీ మూవీ మేక‌ర్స్ నిర్మించింది. థియేట‌ర్ల‌ల‌లో రికార్డులు సృష్టించిన ఈ చిత్రం ఓటీటీలో ఎంత హిట్ అవుతుందో చూడాల్సిందే.