అఫీషియల్..'వారసుడు' ఓటిటి డేట్ వచ్చేసింది

త‌మిళ స్టార్ హీరో విజ‌య్ న‌టించిన తాజా చిత్రం 'వారిసు'. వంశీ పైడిప‌ల్లి ద‌ర్శ‌క‌త్వంలో తెర‌కెక్కిన ఈ చిత్రం తెలుగులో 'వార‌సుడు' పేరుతో విడుద‌లై మంచి విజ‌యాన్ని సొంతం చేసుకుంది. ఫ్యామిలీ ఎంటర్టైనర్ గా వచ్చిన ఈ చిత్రంలో విజయ్ సరసన రష్మిక మందన్నా నటించింది. టాక్‌తో సంబంధం లేకుండా థియేట‌ర్ల వ‌ద్ద వ‌సూళ్ల సునామీ సృష్టించింది. దాదాపు రూ.250 కోట్ల‌పైగా క‌లెక్ష‌న్లు సాధించింది.

ఇక ఈ చిత్రం ఎప్పుడెప్పుడు ఓటీటీలో విడుద‌ల అవుతుందా అని చాలా మంది ఎదురుచూస్తుండ‌గా వారికి శుభ‌వార్త చెప్పింది చిత్ర‌బృందం. ఈ చిత్ర‌ స్ట్రీమింగ్ హక్కులు ప్ర‌ముఖ ఓటిటి ప్లాట్ ఫామ్ అమెజాన్ ప్రైమ్ వీడియో ద‌క్కించుకుంది. ఫిబ్ర‌వ‌రి 22 నుంచి తెలుగు, త‌మిళంతో పాటు మ‌ల‌యాళం బాష‌ల్లో ఈ చిత్రాన్ని స్ట్రీమింగ్ చేస్తున్న‌ట్లు అమెజాన్ ప్రైమ్ కొద్ది సేప‌టి క్రితం సోష‌ల్ మీడియా వేదిక‌గా తెలియ‌జేసింది.

దీంతో థియేట‌ర్ల‌లో ఈ చిత్రాన్ని చూడ‌డం మిస్ అయిన వారు ఆ రోజు నుంచి ఎంచ‌క్కా ఇంట్లోనే కూర్చుని చూసేయొచ్చు. ఈ చిత్రాన్ని ప్రముఖ ప్రొడ్యూసర్ దిల్ రాజు నిర్మించగా జయసుధ, శ్రీకాంత్, శ్యామ్, యోగిబాబు తదితరులు కీలకపాత్రలలో నటించారు.