ప్రముఖ సీరియల్‌ నటి గుండెపోటుతో మృతి.. 8 నెలల గర్భంతో ఉండగానే..

మలయాళ చిత్ర పరిశ్రమలో మరో విషాద ఘటన చోటు చేసుకుంది. 'కరుతముత్తు' వంటి అనేక మలయాళ టెలివిజన్ షోలలో భాగమైన నటి డాక్టర్ ప్రియ గుండెపోటు కారణంగా మరణించారు. నటి ఎనిమిది నెలల గర్భవతి, ఆమె బిడ్డ ఇప్పుడు ఐసీయూలో ఉన్నట్లు సమాచారం. ఈ విషయాన్ని నటుడు కిషోర్ సత్య తన సోషల్ మీడియా ద్వారా పంచుకున్నారు.

డాక్టర్ ప్రియ 34 ఏళ్ళ వయసులో మరణించారు

మలయాళ టీవీ నటి డాక్టర్ ప్రియా 34 ఏళ్ల వయసులో అక్టోబర్ 31న మరణించారు. ఆమె గుండెపోటుకు గురైంది. నటి ఎనిమిది నెలల గర్భవతి మరియు ఆమె బిడ్డ ప్రస్తుతం ఐసీయూలో ఉంది. ఈ విషయాన్ని నటుడు కిషోర్ సత్య తన సోషల్ మీడియా ద్వారా పంచుకున్నారు. అక్టోబర్ 31న రెగ్యులర్ ప్రెగ్నెన్సీ చెకప్‌ కోసం ఆసుపత్రికి వెళ్లిన ప్రియ ఉన్నట్టుండి అక్కడ ఒక్కసారిగా కుప్పకూలి ప్రాణాలు విడిచింది. దీంతో వైద్యులు వెంటనే ఆమెకు ఆపరేషన్‌ చేసి బిడ్డను బయటకు తీశారు. ఈ విషయం తెలుసుకున్న చిత్ర పరిశ్రమలోని ప్రముఖులు ప్రియ మృతికి సంతాపం తెలుపుతున్నారు. నటుడు కిషోర్ సత్య ఇన్‌స్టాలో ఇలా వ్రాశాడు..''మలయాళ టెలివిజన్ రంగంలో మరో ఊహించని మరణం. డాక్టర్ ప్రియ నిన్న గుండెపోటుతో మరణించారు. ఆమె 8 నెలల గర్భిణి. పాప ఐసీయూలో ఉంది. ఇతర ఆరోగ్య సమస్యలు లేవు".

''తన ఒక్కగానొక్క కూతురు మరణాన్ని తట్టుకోలేక ఏడుస్తున్న తల్లి. 6 నెలలుగా ఎక్కడికీ వెళ్లకుండా ప్రియతో ప్రేమ భాగస్వామిగా భర్త బాధ. నిన్న రాత్రి ఆసుపత్రికి వెళుతున్నప్పుడు, నా మనసులో విషాదం వర్షం కురిసింది. వాళ్ళను ఓదార్చడానికి మీరు ఏమి చెబుతారు? నమ్మిన ఆ అమాయకపు మనసులపై దేవుడు ఎందుకు ఈ క్రూరత్వాన్ని ప్రదర్శించాడు? మనసు పదే పదే ప్రశ్నల వర్షం కురిపిస్తూనే ఉంది.. సమాధానం లేని ప్రశ్నలు.. రంజూష మరణవార్త విస్మయానికి గురికాకముందే మరోటి.. 35 ఏళ్లు నిండిన వ్యక్తి ఈ లోకాన్ని విడిచిపెట్టినప్పుడు చెప్పడానికి మనసుకు వీలులేదు. సానుభూతి.. ఈ ఘటన నుండి ప్రియా భర్త, తల్లి ఎలా కోలుకుంటారో.. తెలియదు.. అందుకు వారి మనస్సులకు శక్తినివ్వండి. ఆమె ఆత్మకు శాంతి చేకూరాలని, ఈ అపారమైన నష్టాన్ని తట్టుకునే శక్తిని కుటుంబ సభ్యులకు ప్రసాదించాలని కోరుకుంటున్నాను'' అని కిషోర్‌ రాసుకొచ్చారు.