త‌మిళ రాక‌ర్స్ ట్రైల‌ర్‌.. ఆద్యంతం ఆస‌క్తిగా

Trailer of Arun Vijay's Tamil Rockerz out.ముందే టైమ్ చెప్పేసి, వార్నింగులు ఇచ్చి మ‌రీ పైర‌సీలో సినిమాల‌ను విడుద‌ల చేయ‌డం

By తోట‌ వంశీ కుమార్‌  Published on  12 Aug 2022 12:55 AM GMT
త‌మిళ రాక‌ర్స్ ట్రైల‌ర్‌.. ఆద్యంతం ఆస‌క్తిగా

ముందే టైమ్ చెప్పేసి, వార్నింగులు ఇచ్చి మ‌రీ పైర‌సీలో సినిమాల‌ను విడుద‌ల చేయ‌డం త‌మిళ్‌ రాక‌ర్స్ ప్రత్యేక‌త‌. ఎంద‌రో నిర్మాత‌ల‌కు కంటిమీద కునుకులేకుండా చేస్తున్న ఈ పైర‌సీ భూతం ఆట క‌ట్టించాల‌ని ఎన్ని విధాలుగా ప్ర‌య‌త్నిస్తున్న‌ప్ప‌టికీ సాధ్య ప‌డ‌డం లేదు. ఈ సంగ‌తి కాసేపు ప‌క్క‌న పెడితే.. 'త‌మిళ్ రాక‌ర్స్' నేప‌థ్యంలో అదే పేరుతో ఓ వెబ్ సిరీస్ తెర‌కెక్కుతోంది. అర‌వ‌గ‌ళ‌న్ ద‌ర్శ‌క‌త్వంలో తెర‌కెక్కిన ఈ వెబ్ సిరీస్ ఈ నెల 19 నుంచి సోని లీవ్‌లో స్ట్రీమింగ్ కానుంది. తెలుగు, త‌మిళ బాష‌ల్లో స్ట్రీమింగ్ కానుండ‌గా.. ఇప్ప‌టికే త‌మిళ ట్రైల‌ర్‌ను విడుద‌ల చేయ‌గా.. తాజాగా తెలుగు ట్రైల‌ర్‌ను విడుద‌ల చేశారు.

" 'గ‌రుడ' చిత్రం థియేట‌ర్ల‌లోకి రావ‌డానికి ముందే మీ త‌మిళ్‌రాక‌ర్స్‌తో హెచ్‌డీ క్వాలిటీతో విడుద‌ల అవుతుంది " అనే డైలాగ్‌తో ట్రైల‌ర్ ప్రారంభ‌మైంది. ట్రైల‌ర్ ఆద్యంతం ఆస‌క్తిగా సాగింది. సినిమాల‌ను ఎలా ఫైర‌సీ చేస్తారు..? ఆ నెట్ వ‌ర్క్ ఏంటి..? ఇలా చేయ‌డం వ‌ల్ల త‌మిళ్ రాక‌ర్స్‌కి వ‌చ్చే లాభం ఏంటి..? ఈ నెట్‌వ‌ర్క్ వెనుక ఎవ‌రు ఉన్నారు..? ఇలాంటి వివ‌రాలు తెలియాలంటే సిరీస్ చూడాల్సిందే. "త‌మిళ రాక‌ర్స్‌కి వాడే హెడ్" అంటూ అరుణ్ చెప్పిన డైలాగ్ సిరీస్‌పై ఆస‌క్తి రేకెత్తించేలా ఉంది. ఐశ్య‌ర్య మీన‌న్‌, పెరుమాళ్‌, వినోదిని త‌దిత‌రులు కీల‌క పాత్ర‌ల్లో న‌టించిన ఈ సిరీస్ ట్రైల‌ర్‌తో అంచ‌నాల‌ను పెంచేసింది.

Next Story