సలార్ : రేపు "రాజమన్నార్" రాబోతున్నాడు
Tomorrow Rajamannar character introduction from Salaar Movie.యంగ్ రెబల్ స్టార్ ప్రభాస్ నటిస్తున్న చిత్రం సలార్.
By తోట వంశీ కుమార్
యంగ్ రెబల్ స్టార్ ప్రభాస్ నటిస్తున్న చిత్రం సలార్. కేజీఎఫ్ ఫేమ్ ప్రశాంత్ నీల్ దర్శకత్వంలో తెరకెక్కుతున్న ఈచిత్రంపై అభిమానుల్లో భారీ అంచనాలే ఉన్నాయి. హోంబలే ఫిలింస్ బ్యానర్లో కెజియఫ్ నిర్మాత విజయ్ కిరగందూర్ ఈ చిత్రాన్ని నిర్మిస్తున్నారు. హై అండ్ యాక్షన్ ఎంటర్టైనర్ గా తెరకెక్కుతున్న ఈచిత్రంలో ప్రభాస్ సరసన శృతిహాసన్ నటిస్తోంది. పాన్ ఇండియా లెవల్లో ఈ చిత్రం తెరకెక్కుతోంది. కాగా.. ఈ చిత్రం నుంచి క్రేజీ అప్డేట్ వచ్చింది. ఈ సినిమాలో నుంచి "రాజమన్నార్" అనే పాత్రను రేపు ఉదయం 10:30 గంటలకు పరిచయం చేయబోతున్నట్టు చిత్ర బృందం వెల్లడించింది.
Revealing 𝐑𝐚𝐣𝐚𝐦𝐚𝐧𝐚𝐚𝐫 from #Salaar tomorrow at 10:30 AM.#Prabhas @shrutihaasan @VKiragandur @hombalefilms @HombaleGroup @bhuvangowda84 @BasrurRavi @shivakumarart pic.twitter.com/4u21t2JoGl
— Prashanth Neel (@prashanth_neel) August 22, 2021
అయితే ఈ చిత్రంలో "రాజమన్నార్" ఎవరో ఊహించడం ప్రారంభించారు. కొంతమంది అది జగపతి బాబు పాత్ర అయ్యి ఉండొచ్చని అంచనా వేస్తుండగా.. మరికొందరు మనోజ్ భాజ్పాయ్ అని అంటున్నారు. రేపు చిత్ర బృందం విడుదల చేసేవరకు ఎవరో తెలియదు. ఇక ఈ చిత్ర షూటింగ్లో మేజర్ పార్ట్ పూర్తి అయ్యింది. ప్రభాస్పై పవర్ఫుల్ యాక్షన్ ఎపిసోడ్ పూర్తి చేసాడు. ఆ తర్వాత ప్రధాన జంటపై కొన్ని కీలక సన్నివేశాలు పూర్తయ్యాయి. రవి బస్రూర్ సంగీతం సమకూర్చగా, సినిమాటోగ్రఫీ భువన్ గౌడ నిర్వహిస్తున్నారు. ఇక సమ్మర్ కానుకగా ఏప్రిల్ 14, 2022 ఈ చిత్రం ప్రేక్షకుల ముందుకు రానుంది.