వాయిస్ ఆఫ్ రవన్న.. చీకటి మింగిన సూర్యుడిని తెచ్చి తూరుపు కొండను వెలిగిద్దాం

రానా ద‌గ్గుబాటి న‌టిస్తున్న తాజా చిత్రం 'విరాట‌ప‌ర్వం'. వేణు ఉడుగుల ద‌ర్శ‌క‌త్వంలో తెర‌కెక్కుతున్న ఈ చిత్రంలో రానా స‌ర‌స‌న సాయిప‌ల్లవి న‌టిస్తోంది. 1990ల్లో తెలంగాణ ప్రాంతంలో జ‌రిగిన కొన్ని వాస్త‌విక సంఘ‌ట‌న‌ల ఆధారంగా ఈ చిత్రం తెర‌కెక్కున్న ఈ చిత్రంలో ప్రియ‌మ‌ణి ఓ కీల‌క పాత్ర‌లో న‌టిస్తోంది. ఇప్ప‌టికే ఈచిత్రం నుంచి విడుద‌లైన పోస్ట‌ర్స్, టీజ‌ర్‌, ఫ‌స్ట్ సింగిల్స్‌కు మంచి స్పంద‌న వ‌చ్చింది. కాగా.. నేడు రానా పుట్టిన రోజు సంద‌ర్భంగా ఈ చిత్రం నుంచి 'వాయిస్ ఆఫ్ ర‌వ‌న్న' పేరుతో ఓ స్పెష‌ల్ టీజ‌ర్‌ను చిత్ర బృందం విడుద‌ల చేసింది.

ఇందులో అరణ్య అనే కలం పేరుతో పిలవబడే కామ్రేడ్ రవన్న పాత్రలో రానా కనిపించనున్నారు. అతని అభిమాని వెన్నెల పాత్రను సాయి పల్లవి పోషించింది. ఇది యుద్ధం నేపథ్యంలో సాగే ఓ అద్భుతమైన ప్రేమకథ అని చిత్ర బృందం తెలిపింది. రానా దగ్గుబాటి వాయిస్ ఓవర్‌తో సాగే ఈ వీడియోలో రానా పలికే డైలాగ్‌లు అద్భుతమైన పొయెటిక్ ఫీల్‌తో, రివల్యూషనరీ దృక్పథంతో ఉన్నాయి. డి. సురేష్ బాబు సమర్పణలో శ్రీ లక్ష్మీ వెంకటేశ్వర సినిమాస్ పతాకంపై సుధాకర్ చెరుకూరి ఈ చిత్రాన్ని నిర్మిస్తున్నారు. కాగా.. ఈ చిత్రం ప్రేక్ష‌కుల ముందుకు ఎప్పుడు వ‌స్తుందో చిత్ర బృందం ఇంకా వెల్ల‌డించ‌లేదు.