సూర్య బ‌ర్త్ డే స్పెష‌ల్.. 'కంగువ‌' ఫ‌స్ట్ గ్లింప్స్ రిలీజ్‌

విభిన్న పాత్రలు, ప్రయోగాలు చేయడంలో ఎప్పుడూ ముందుంటారు హీరో సూర్య. ఆయన నటిస్తున్న తాజా సినిమా 'కంగువ'. కోలీవుడ్‌ ఇండస్ట్రీలో అత్యంత భారీ బడ్జెట్‌తో ఈ సినిమా తెరకెక్కుతోంది. దాదాపు రూ.350 కోట్ల బడ్జెట్‌తో ఈ సినిమాను తెరకెక్కిస్తున్నారని చైన్నై సినీ వర్గాల్లో టాక్. కంగువ సినిమాకు శివ దర్శకత్వం వహిస్తున్నాడు. తెలుగులో శౌర్యం, శంఖం, దరువు సినిమాలు చేసిన శివ.. ఇప్పుడు సూర్యతో భారీ పాన్‌ ఇండియా ప్రాజెక్ట్‌ చేస్తున్నాడు. ఇప్పటికే విడుదలైన ప్రీ లుక్‌ పోస్టర్‌లు సినిమాపై భారీ అంచనాలను క్రియేట్‌ చేశాయి. సంవత్సరం కిందట మొదలైన ఈ ప్రాజెక్ట్‌ చిత్రీకరణ పూర్తి చేసుకుంది. వచ్చే ఏడాది ఫస్ట్‌ హాఫ్‌లో ఈ సినిమాను రిలీజ్‌ చేసే విధంగా ప్రయత్నాలు సాగుతున్నాయి.

తాజాగా ఈ మూవీ నుంచి గ్లింప్స్‌ విడుదలైంది. ఈ చిత్రంలోని యుద్ధ స‌న్నివేశాల‌ను ప్ర‌తిబింబించేలా ఈ ఫ‌స్ట్ గ్లింప్స్‌ను చిత్ర బృందం రూపొందించింది. రివీల్‌ చేయలేదు కానీ.. ఓ వార్‌ గ్రౌండ్‌లో శవాలు, చుట్టూ మంటలు, వాటి మధ్య నుంచి బల్లెం పట్టుకుని సూర్య ఎంట్రీ ఇచ్చారు. పరాక్రమవంతుడు, అపజయం ఎరుగని వీరుడు కంగువా అంటూ సూర్య పాత్రను ఎలివేట్‌ చేసిన విధానం గూస్‌బంప్స్‌ తెప్పిస్తోంది. ఇక విజువల్స్‌ కూడా మాస్‌ రేంజ్‌లో ఉన్నాయి. దేవి శ్రీ ప్రసాద్‌ బీజీఎమ్స్‌ వెరే లెవల్లో ఉన్నాయి. గ్లింప్స్ చివరలో కుశలమా అంటూ సూర్య చూపించిన వేరియేషన్‌ హైలెట్‌గా నిలిచింది. ఈ సినిమాలో కాస్త నెగెటీవ్‌ షేడ్స్‌ ఉన్న పాత్రను సూర్య పోషించనున్నట్లు తెలుస్తోంది.

మొత్తంగా గ్లింప్స్‌తో సినిమాపై తిరుగులేని భారీ బజ్‌ ఏర్పడింది. గ్లింప్స్‌లో సూర్య తప్ప మరో రోల్‌ని చూపించలేదు. పీరియాడిక్‌ డ్రామా నేపథ్యంలో తెరకెక్కుతున్న ఈ సినిమాలో సూర్య యుద్ధ వీరుడుగా కనిపించనున్నాడు. ఈ సినిమా తమిళం నుంచి రూ.వెయ్యి కోట్లు వసూలు చేస్తుందని టాక్. స్టూడీయో గ్రీన్‌ బ్యానర్‌తో కలిసి యూవీ క్రియేషన్స్‌ సంయుక్తంగా ఈ సినిమానూ నిర్మిస్తుంది. సూర్యకు జోడీగా బాలీవుడ్‌ భామ దీశా పటానీ నటిస్తోంది. దాదాపు పది భాషల్లో ౩డీలో ఈ సినిమా రూపొందుతుంది. ఆదివారం సూర్య పుట్టినరోజు సందర్భంగా ఈ సినిమాకు సంబంధించిన ఫ‌స్ట్ గ్లింప్స్‌ను చిత్ర బృందం విడుద‌ల చేసింది. అర్ధ‌రాత్రి 12 గంట‌ల‌కు రిలీజ్ చేసిన ఈ వీడియో గ్లింప్స్ సోష‌ల్ మీడియాలో ట్రెండింగ్‌లో ఉంది.