ఓటీటీలోకి సుధీర్ బాబు 'హరోమ్ హర' మూవీ

సుధీర్ బాబు హీరోగా నటించిన హరోమ్ హర సినిమాకు మంచి సమీక్షలే కాకుండా మంచి కలెక్షన్స్ కూడా వచ్చాయి. గత నెలలో విడుదలైన ఈ సినిమాను ఆడియన్స్ బాగా ఎంజాయ్ చేశారు. ముఖ్యంగా మాస్ ఆడియన్స్ కు ఈ సినిమా బాగా నచ్చింది. కుప్పంలో గన్స్ తయారీ చేస్తూ సుబ్రహ్మణ్యం అనే వ్యక్తి ఎలాంటి వ్యక్తులపై పోరాడాడు.. ఎలాంటి సమస్యలు ఎదుర్కొన్నాడనే విషయాన్ని సినిమాలో బాగా చూపించారు. ప్రీమియర్స్ లో మంచి టాక్ కూడా వచ్చింది.

ఈ చిత్రం OTT విడుదలకు సిద్ధంగా ఉంది. థియేటర్లలో వచ్చిన దానికంటే ఓటీటీలో ఇంకా మంచి ఆదరణను అందుకుంటుందని ఆశిస్తూ ఉన్నారు. ఈ యాక్షన్ ఎంటర్‌టైనర్ ఆహా వీడియో జూలై 11 నుండి ప్రసారం అవుతుంది. జ్ఞానసాగర్ ద్వారక రచన, దర్శకత్వం వహించిన హరోమ్ హర సినిమాను సుమంత్ జి నాయుడు నిర్మించారు. మాళవిక శర్మ, సునీల్, జయప్రకాష్, రవి కలి కీలక పాత్రల్లో నటించారు.