సలార్ వీడియో లీక్‌.. ప్ర‌భాస్ లుక్ అదుర్స్‌..!

యంగ్ రెబ‌ల్ స్టార్ ప్ర‌భాస్ ప్ర‌స్తుతం వ‌రుస పాన్ ఇండియా చిత్రాల‌తో పుల్ బిజీగా ఉన్నారు. ప్ర‌శాంత్ నీల్ ద‌ర్శ‌క‌త్వంలో ఆయ‌న న‌టిస్తున్న చిత్రం 'స‌లార్‌'. ఈ చిత్రంలో ప్ర‌భాస్ స‌ర‌స‌న శృతిహాస‌న్ న‌టిస్తోంది. క‌రోనా కార‌ణంగా ఈ చిత్ర షూటింగ్‌కు బ్రేక్ ప‌డ‌గా.. ప్ర‌స్తుతం శ‌ర‌వేగంగా చిత్రీక‌ర‌ణ‌ జ‌రుపుకుంటోంది. భారీ యాక్ష‌న్ చిత్రంగా తెర‌కెక్కుతోన్న ఈచిత్రంపై అభిమానుల్లో భారీ అంచ‌నాలే ఉన్నాయి. కాగా.. ఈ సినిమాకి లీకుల బెడ‌ద త‌ప్ప‌డం లేదు.

తాజాగా సలార్ షూటింగ్ స్పాట్‌ లో ప్రభాస్ కి సంబంధించిన ఓ చిన్న వీడియో సోషల్ మీడియాలో లీకైంది. ఇది సినిమాలో సన్నివేశానికి సంబంధించిన‌ది కాదు కానీ.. స‌లార్ చిత్రంలో ప్ర‌భాస్ గెట‌ప్‌ను రివీల్ చేస్తోంది. ఇందులో ప్ర‌భాస్ ప‌వ‌ర్ పుల్ లుక్‌లో క‌నిపిస్తున్నాడు. ఈ లుక్‌ను చూసిన ప్ర‌భాస్ అభిమానులు తెగ ఖుషి అవుతున్నారు. అయితే ఈ వీడియో లేటెస్ట్ వీడియోనా? కాదా అనేది క్లారిటీ లేదు.

హోంబలే ఫిల్మ్స్ బ్యానర్ పై విజయ్ కిరగండూర్ నిర్మిస్తున్న ఈ చిత్రం వచ్చే ఏడాది వచ్చే ఏడాది ఏప్రిల్‌ 14న విడుదలకానుంది. దాదాపు 150-200కోట్ల బడ్జెట్ తో ఈ చిత్రాన్ని తెరకెక్కిస్తున్నారని కథనాలొస్తున్నాయి. ఇదిలా ఉంటే.. ఈ చిత్రంతో పాటు ఆదిపురుష్ 3డీ, నాగ్ అశ్విన్ తో సైన్స్‌ఫిక్ష‌న్ చిత్రంలోనూ ప్ర‌భాస్ న‌టిస్తున్నారు.