ఆదిపురుష్ నుంచి క్రేజీ అప్డేట్
Saif Ali Khan Aka 'Lankesh' Wraps Up His Part Of Shoot.యంగ్ రెబ‌ల్ స్టార్ ప్ర‌భాస్ వ‌రుస చిత్రాల‌తో ప్ర‌స్తుతం పుల్
By తోట వంశీ కుమార్‌ Published on 9 Oct 2021 6:36 AM GMT
యంగ్ రెబ‌ల్ స్టార్ ప్ర‌భాస్ వ‌రుస చిత్రాల‌తో ప్ర‌స్తుతం పుల్ బిజీగా ఉన్నారు. ఆయ‌న న‌టిస్తున్న చిత్రాల్లో 'ఆది పురుష్' చిత్రం ఒక‌టి. భారీ బ‌డ్జెట్‌తో పౌరాణిక చిత్రంగా తెర‌కెక్కుతోంది. ఓం రౌత్ ద‌ర్శ‌క‌త్వంలో తెర‌కెక్కుతున్న ఈ చిత్రంలో ప్ర‌భాస్ రాముడి పాత్ర‌లో క‌నిపించ‌నుండ‌గా.. సీతాదేవీగా కృతి స‌న‌న్ న‌టిస్తోంది. బాలీవుడ్ ప్ర‌ముఖ న‌టుడు సైఫ్ అలీఖాన్.. రావ‌ణుడిగా న‌టిస్తున్నారు. ముంబైలో ఓ భారీ సెట్‌ను ఏర్పాటు చేసి అందులో ఈ చిత్ర షూటింగ్‌ను చేస్తున్నారు.
తాజాగా ఈ చిత్రం నుంచి క్రేజీ అప్డేట్ ఇచ్చారు. రావ‌ణుడి పాత్ర‌కు సంబంధించిన షూటింగ్ పూర్తి అయిన‌ట్లు చిత్ర‌బృందం ప్ర‌క‌టించింది. లంకేశుడి పాత్ర పోషించిన సైఫ్ అలీఖాన్‌తో చివ‌రి రోజున కేక్ క‌ట్ చేయించి సెకాండ్ ఇచ్చారు. ఈ సంద‌ర్భంగా సైఫ్ మాట్లాడుతూ.. ఆదిపురుష్ లాంటి భారీ ప్రాజెక్ట్‌లో భాగ‌స్వామిని అయినందుకు ఎంతో ఆనందంగా ఉంద‌న్నారు. ప్ర‌భాస్‌తో క‌లిసి ప‌నిచేయ‌డం ఎంతో గొప్ప‌గా ఉంద‌ని, ఆయ‌న ఓ జెంటిల్మెన్ అంటూ చెప్పుకొచ్చారు. కాగా.. ఈ చిత్రాన్ని ప్ర‌పంచ వ్యాప్తంగా ఆగ‌స్టు 11న విడుద‌ల చేసేందుకు స‌న్నాహాకాలు చేస్తున్నారు.
